web counter
LEXO PA REKLAMA!

SHKARKO APP

App Store
Google Play

E fundit!

x

Kosova e nis fuqishëm për ndeshjet e marsit, fton zyrtarisht ish-sulmuesin e Skënderbeut

13 Mars 2023, 11:50, Sport CNA

Ish-sulmuesi i Skënderbeut, Arbnor Muja, është prurja më e re e kombëtares së Kosovës. Futbollisti i Antwerp ka shkëlqyer me skuadrën belge që nga kalimi prej Dritës, ndërsa tani ka marrë dritën e gjelbër nga përzgjedhësi Giresse.

"Futbollikosovar.net" shkruan se ai ka pranuar ftesën për grumbullimin e Marsit. Burime pranë lojtarit i kanë thënë "Futbollitkosovar.net" që ai tashmë ka në dorë zarfin e bardhë.

Fazeta mëson se nuk përjashtohen as prurje të tjera, në veçanti nga Gjermania. Kujtojmë se Kosova në këtë muaj do të ndeshet me Izraelin e Andorrën në kuadër të kualifikimeve të rregullta për "Euro 2024".

Ndërkohë, ditët në vijim pritet të mësohen edhe emrat e tjerë të thirrur nga trajneri francez Giresse për ndeshjet e fundit të marsit.

Arbnor Muja ka vazhduar shkëlqimin në elitën e futbollit belg me fanellën e Antwerp. Sulmuesi kosovar e ka nisur nga minuta e parë ndeshjen përballë Seraing, ku Antwerp po udhëheq 0-2 pas pjesës së parë.

Ishte minuta e 19-të e ndeshjes kur ish-sulmuesi i Dritës së Gjilanit bëri asistim të bukur te Vincent Jansen, i cili realizoi për 0-2. Për mitrovicasin ky ishte asistimi i tretë në elitën e futbollit belg, teksa ka edhe dy gola. 





Lajmet e fundit nga