web counter
LEXO PA REKLAMA!

SHKARKO APP

App Store
Google Play

E fundit!

x

Goditje e rëndë për Vllazninë, mësohet situata e Malës

12 Mars 2023, 20:40, Sport CNA

Vllaznia ka treguar se është ende në garë për titullin kampion në barazimin 1-1 ndaj Partizanit, duke dominuar për pjesë të madhe të ndeshjes ndaj të kuqve. Por shanset e kuqebluve për të fituar titullin kanë pësuar një goditje të rëndë pasi shkodranët me shumë mundësi kanë humbur për këtë sezon shërbimet e një prej lojtarëve më në formë.

Esat Mala la fushën e lojës me barrelë në ndeshjen e të shtunës pasi mori një dëmtim në shpatull. Futbollisti i është drejtuar menjëherë spitalit në Shkodër ku janë kryer kontrollet dhe grafitë e rastit teksa është mësuar se ai ka pësuar thyerje në klavikul.

Pas konsultave me ekspertët, “Panorama Sport” ka mësuar se është vendosur që Mala t’i nënshtrohet ndërhyrjes kirurgjikale, që do të kryhet të hënën. Futbollisti do të kryejë këtë ndërhyrje dhe do të jetë i detyruar që të qëndrojë për një kohë relativisht të gjatë pushim.

Ndaj në Shkodër kanë filluar të bëjnë planet pa lojtarin për pjesën e mbetur të sezonit. Kjo është padyshim një goditje e rëndë për kuqeblutë, pasi Mala po kalonte një formë të shkëlqyer dhe ishte bërë protagonist kryesor me lojën e tij në këto javë.





Lajmet e fundit nga