web counter
LEXO PA REKLAMA!

SHKARKO APP

App Store
Google Play

E fundit!

x

Konte e përjetoi shumë keq vdekjen e Vialit, vendimi i tij bën bujë në Angli

7 Janar 2023, 09:02, Sport CNA

Lajmi i ndarjes nga jeta të Xhanluka Vialit ka tronditur futbollin botëror, pasi ish-sulmuesi i italian njihej si një figurë shumë pozitive. Të shumta kanë qenë figurat e sportit që kanë reaguar publikisht pas vdekjes së tij, duke kujtuar një emër të dashur jo vetëm për tifozët italianë.

Ai që nuk ka reaguar publikisht në orët e para ishte ish-shoku i tij i skuadrës te Juventusi dhe Italia, Antonio Konte. Mediat angleze raportojnë se trajneri aktual i Totenhemit, e ka përjetuar shumë keq këtë lajm tragjik dhe e kishte të pamundur që të shfaqej para mediave siç ishte programuar, para ndeshjes së Kupës FA që skuadra e tij luan ndaj Portsmuth.

Kështu, ai ka anuluar paraqitjen para mediave, teksa ka dërguar atje ndihmësin e tij, Kristian Stelini, që t’u përgjigjet pyetjeve të gazetarëve. Më pas, Konte bëri një postim në "Instagram" duke hedhur aty foto të viteve bashkë, por edhe të një darke që kishin kaluar në Londër pak kohë më parë.

Konte dhe Viali kanë qenë shokë skuadre te Juventusi në vitet 1992-1996 dhe në edicionin e  fundit, ish-sulmuesi ishte kapiten i bardhezinjve. Së bashku ata kanë fituar Kupën UEFA në vitin 1993, Serinë A dhe Kupën e Italisë në vitin 1995 dhe Ligën e Kampioneve në vitin 1996.





Lajmet e fundit nga