web counter
LEXO PA REKLAMA!

SHKARKO APP

App Store
Google Play

Egnatia pa drejtor sportiv, largohet Ndriçim Shtubina

6 Janar 2023, 15:22, Sport CNA

Ndriçim Shtubina është larguar nga posti i drejtorit sportiv tek Egnatia. Është vetë shkodrani që përmes një postimi falënderon presidentin Demrozi, ndërsa thekson se nuk do të japë detaje për këtë largim të papritur.

Në "Instagramin" e vet tregon se ka marrë një propozim të ri nga presidenti, të cilin e quan vëlla. Në postimin e bërë në rrjetet sociale, ish-mesfushori i njohur shkodran shkruante:

“Përshëndetje të gjithë! Nga sot nuk jam më pjesë e drejtorit sportiv të Egnatias. Këtë gjë po e bëj për të mirë të klubit dhe për respektin që kam për presidentin që për mua nuk është vetëm president, por një vëlla. Nuk i harroj gjërat që ka bërë për mua, unë jam krenar për këtë skuadër me këta djem. Super lojtarë dhe super djem, falënderoj dhe Klejd Zenelin, ishte ndihmë shumë e madhe për mua.

I falënderoj të gjithë njerëzit që punojnë në këtë klub. Falënderoj dhe tifozët që më kanë mbështetur edhe kur isha në fushë, por edhe jashtë saj. S’kam asnjë dyshim, kjo skuadër do të shkojë në Europë. Ndoshta nuk do të largohem nga klubi. Presidenti më ka ofruar një post tjetër, por dua ta mendoj. Faleminderit të gjithëve. Ju uroj suksese me shpirt. Ju lutem mos më pyesni pse ka ndodhur kjo se nuk do t’iu kthej përgjigje”.

Postimi i Ndricim Shtubinës




Lajmet e fundit nga