web counter
LEXO PA REKLAMA!

SHKARKO APP

App Store
Google Play

E fundit!

x

Kombëtarja e vajzave vazhdon përgatitjet për ndeshjen me Rumaninë, ekipi zhvillon një miqësore me “Elite Youth Academy”

28 Nëntor 2024, 14:19, Sport CNA
Kombëtarja e vajzave vazhdon përgatitjet për ndeshjen me
Kombëtarja e vajzave

Kombëtarja e vajzave po vazhdon përgatitjet për ndeshjen miqësore kundër Rumanisë, e cila do të zhvillohet më 3 dhjetor në stadiumin “Eugen Popescu” në orën 17:00. Vajzat janë grumbulluar që prej ditës së hënë dhe po stërviten në “Shtëpinë e Futbollit”.

Përgatitjet kanë shkuar mirë, ndërsa sot vajzat zhvilluan një test miqësor kundër ekipit të djemve U-15 të “Elite Youth Academy”. Ky test miqësor u organizua me qëllim që të vlerësohej forma fizike, për të testuar lojtarët e rinj dhe për të integruar talentet e reja.

“Elite Youth Development Academy” është projekti ambicioz i Federatës së Futbollit, i cili synon të edukojë dhe trajnojë talentet e reja si në aspektin profesional, ashtu edhe atë personal. Ky projekt ka filluar zbatimin që nga shtatori i këtij viti dhe specialistët e ekipeve Kombëtare dhe Drejtorisë Teknike kujdesen për fëmijët e përzgjedhur.

Kombëtarja e vajzave do të udhëtojë drejt Rumanisë më 1 dhjetor, ndërsa ndeshja miqësore do të luhet të martën e 3 dhjetorit./CNA 





Lajmet e fundit nga