web counter
LEXO PA REKLAMA!

SHKARKO APP

App Store
Google Play

E fundit!

x

Nuk ndalet në Champions-in e Azisë, Asani: Shpresoj të jem shënuesi më i mirë

27 Nëntor 2024, 16:17, Sport CNA

Nuk ndalet në Champions-in e Azisë, Asani: Shpresoj të jem

Jasir Asani vazhdon të shënojë pa u ndalur në Champions-in e Azisë. Sulmuesi shqiptar, ishte sërish vendimtar me fanellën e koreanëve të Gwangju.

Asani shënoi golin e vetëm të takimit, në fitoren minimale ndaj kinezëve të Shanghai Shenhua. 29-vjeçari u aktivizua nga stoli në minutën e 57-të dhe i mjaftuan vetëm 19 sekonda në fushë, për të gjetur golin.

Pas një goditje këndi, Asani përfitoi nga një top i mbetur në zonë dhe e ndali topin në fundin e rrjetës.

Në pesë ndeshje të luajtura në Champions-in aziatik, shqiptari numëron shtatë gola të shënuar, duke i lënë pas të gjithë, sa i përket golashënuesve më të mirë. Ai gjithashtu numëron edhe një asist të dhënë.

Pas golit të shënuar, Asani u shfaq shumë i lumtur, ndërsa tha se shpreson që në fund të jetë golashënuesi më i mirë i turneut.

“Para se të futesha në lojë, trajneri kishte besim se unë do të shënoja që në prekjen e parë të topit. Një sulmues duhet të shënojë në çdo ndeshje të tij, për të ndihmuar ekipin. Unë shpresoj që të jem shënuesi më i mirë i këtij turneu”, deklaroi Asani.

Liga e Kampioneve, duket si kompeticioni i preferuar për shqiptarin, i cili gjithashtu numëron edhe tre gola të shënuar në kampionatin e Koresë së Jugut.

Kujtojmë se Asani ishte edhe pjesë e Shqipërisë për dy ndeshjet e fundit të Ligës së Komnbeve, ku ndaj Çekisë u zëvendësua i dëmtuar, ndërsa ndaj Ukrainës luajti për një pjesë.

Megjithatë duket se ka lënë pas të gjitha problemet fizike dhe është kthyer në formën më të mirë të mundshme.





Lajmet e fundit nga