web counter
LEXO PA REKLAMA!

SHKARKO APP

App Store
Google Play

E fundit!

x

Brdariç: Jemi mes festës dhe përgatitjeve, na pret ndeshje e vështirë me Bylisin

28 Nëntor 2024, 12:41, Sport CNA
Brdariç: Jemi mes festës dhe përgatitjeve, na pret ndeshje e
Thomas Brdaric

Kategoria Superiore rikthehet këtë të premte me takimin Bylis-Vllaznia.

Ndërsa jemi në prag të takimit të vlefshëm për javën e 15-të të Superiores, trajneri i skuadrës shkodrane Thomas Brdariç doli në konferencë për mediet, nga ku si fillim uroi 112-vjetorin e Pavarësisë së Shqipërisë.

“I urojmë Shqipërisë Pavarësinë! Kemi një objektiv për ndeshjen në Ballsh dhe këtë të enjte jemi mes përgatitjeve dhe festës. Është një ndeshje komplet ndryshe, disa javë më parë ata kanë marrë një trajner me eksperiencë si Nevil Dede dhe duhet të përgatitemi sa më shumë për këtë ndeshje”-tha ai si fillim.

Më tej, tekniku i “kuqebluve” shtoi se kjo ndeshje do të jetë e vështirë dhe se ekipi i tij duhet të tregojë fokus maksimal.

“I kemi cilësitë dhe stilin e lojës, na pret një ndeshje e vështirë dhe duhet të jemi të fokusuar për 90 minuta. Ne e dimë situatën tonë, jemi duke u rritur çdo ditë. Duhet të kemi balancë në sulm dhe mbrojtje, duhet të jemi fizikisht dhe psikologjikisht të përgatitur, të disiplinuar, sidomos në mbrojtje dhe të mos i japim mundësi kundërshtarit, na duhet një performancë e mirë”-deklaroi Brdariç.

Trajneri gjerman theksoi se deri më 20 dhjetor kanë shumë sfida, ndaj duhet të fitojnë ndaj Bylisit që ta kenë më të thjeshtë në vazhdimësi.

“Në çdo ndeshje punohet në maksimum, sezoni është i gjatë, kemi një sfidë shumë të madhe përpara, deri më 20 dhjetor kemi shumë sfida. Në qoftë se fitojmë nesër do të jetë edhe më e thjeshtë”,-u shpreh ndër të tjera Thomas Brdariç.

Bylis-Vllaznia përballen këtë të premte duke nisur nga ora 13:30 në stadiumin e Ballshit./CNA





Lajmet e fundit nga