web counter
LEXO PA REKLAMA!

SHKARKO APP

App Store
Google Play

Këta janë 5 futbollistët e Kosovës më të vlerësuar në Europë

28 Shkurt 2023, 10:18, Sport CNA

Një tjetër javë me plot sukses për futbollistët e Kosovës që luajnë në Europë. Faqja e specializuar për statistika "SofaScore", në bashkëpunim me "Telegrafin" sjellin pesë futbollistët nga Kosova me paraqitjet më të mira në kampionatet e ndryshme europiane.

Mbrojtësi i majtë "Dardan", Leart Paqarada, ka qenë fantastik këtë fundjavë, ku St. Pauli mposhti Hansa Rostock. Paqarada u vlerësua me notë 7,8, teksa kishte 92 prekje të topit, pesë pasime kyçe, katër duele të fituara, dy ndërhyrje në top dhe një driblim.

Lojë të mrekullueshme pati edhe qendërmbrojtësi Ismajl Beka për Luzernin, ku morën fitore të vlefshme ndaj Grasshopper. Beka luajti 90 minuta dhe u vlerësua me notën 7.8, teksa pati pesë ndërhyrje në top, katër spastrime, tri ndërprerje të aksioneve, dy gjuajtje të bllokuara dhe 11 duele të fituara nga 17 në total.

Në Zvicër shkëlqeu edhe Donat Rrudhani në barazimin e Young Boys Bernit 2-2 në udhëtim te Zurihu. Rrudhani luajti 66 minuta teksa u vlerësua me notë 7,4 pasi pati një asistim, 31 prekje të topit, 14 pasime të sakta si dhe pesë duele të fituara.

Elbasan Rashani ka qenë hero i skuadrës së tij Klermont në sfidën ndaj Strasburgut, ku pas 90 minutave u vlerësua me notë 7,2. Sulmuesi kosovar realizoi golin e barazimit 1-1, teksa pati dy gjuajtje në portë, një herë goditi shtyllën, tri driblime të sakta, tri ndërhyrje në të dhe shtatë herë fitoi duelet me kundërshtarët.

E lojtari i pestë më i vlerësuar është kapiteni Amir Rrahmani që edhe njëherë ishte lider i Napolit në mbrojtje. Kapiteni i Kosovës ishte titullar si gjithmonë në fitoren e Napolit 0-2 në udhëtim tek Empoli teksa u vlerësua me notë 7,1.

Rrahmani pati tri spastrime të topit, dy ndërhyrje në top, një gjuajtje e bllokoi, dy duele të fituara, teksa ishte fantastik në pasimet e sakta me 91 për qind të sakta.





Lajmet e fundit nga