web counter
LEXO PA REKLAMA!

SHKARKO APP

App Store
Google Play

Manaj drejt bardhezinjve të Serisë A, prishi kontratën vetëm për t’ia hedhur Barcelonës

28 Shkurt 2023, 08:54, Sport CNA

Rei Manaj vazhdon të rikuperohet nga dëmtimi që ka pësuar dhe që e ka bërë të humbasë thuajse të gjithë këtë sezon. Sulmuesi shqiptar vazhdon programin e riaftësimit dhe duket se po fillon të përgatitet që tani për kthimin në Serinë A.

Sipas “Il Messagero Veneto”, kalimi i tij tek Udineze në verë me parametër zero është i sigurt, pasi këtë lë të kuptohet akordi i lojtarit me Uotfordin për prishjen e kontratës. Ndihmon fakti se Uotfordi dhe Udineze kanë të njëjtit pronarë, familjen Poco dhe futbollisti është siguruar që të mund të kthehet në një kampionat ku ka bërë mirë më parë.

Edhe pse lojtari kishte kontratë për dy sezone të tjera me Uotfordin, nga e cila përfitonte 572 mijë paund në vit, ai ka pranuar që të ndërpresë bashkëpunimin me anglezët për të cilët kishte firmosur në gusht. Xhino Poco ka nuhatur një marrëveshje shumë interesante me lojtarin shqiptar dhe mendohet se është parimisht dakord për transferimin e tij në Itali tek Udineze.

Gjithçka për të shmangur që t’i paguajë një shifër të caktuar Barcelonës, nga e cila Uotfordi e mori në verë falas, por me klauzola që parashikonin pagesa në shitjen e radhës apo huazimet. Prishja e kontratës, i heq këtë detyrim Uotfordit dhe i hap rrugë familjes Poco që të bëjë transferimin e lojtarit nga një ekip në tjetrin.





Lajmet e fundit nga