web counter
LEXO PA REKLAMA!

SHKARKO APP

App Store
Google Play

Kategoria e Parë “zjarr” / Kush do të ngjitet direkt? Dinamo, Skënderbeu dhe Flamurtari, sprint final për 2 bileta

24 Shkurt 2023, 09:28, Sport CNA

Kategoria e Parë “zjarr” / Kush do të ngjitet direkt?

Kategoria e Parë është kthyer këtë sezon në një Superiore në miniaturë dhe janë vetë emrat e klubeve që e imponojnë këtë. Dinamo, Flamurtari, Skënderbeu, Besa, Apolonia, Tomori, Lushnja dhe Besëlidhja, jo vetëm kanë qenë historikisht në elitën e futbollit shqiptar, por pjesa dërrmuese e tyre janë shpallur disa herë kampionë të vendit, si dhe kanë fituar Kupa dhe Superkupa të Shqipërisë.

Pas 16 javësh kampionat, gara në Kategorinë e Parë është bërë shumë interesante, jo thjesht për faktin se në treshen e parë janë Dinamo, Skënderbeu dhe Flamurtari.

Më intrigues e bën vazhdimësinë e sezonit formula që ka kampionati, pasi në Superiore ngjiten vendet 1 dhe 2, ndërsa katër vendet e fundit zbresin direkt.

Nga ana tjetër, ato skuadra që e mbyllin në pozicionet 9 dhe 10, zhvillojnë ndeshje “play out” për qëndrimin në kategori.

Por, çfarë ndodh me kreun dhe cilat mund të jenë ekipet që do të ngjiten direkt në elitë dhe sa mund të ndikojnë klubet e vendeve 3, 4, 5 dhe 6 do të luajnë ndeshje “play off” për t’u përballur më pas me skuadrën që mbyll e teta në Superiore?

Në kushtet kur klube me shumë histori si Apolonia, Lushnja dhe Besëlidhja po luftojnë për mbijetesë dhe e kanë të vështirë të synojnë gjëra madhore për momentin, është krijuar një mes i artë me Korabin dhe Besën, që mund të sikletosë shumë në vazhdimësinë e garës treshen Dinamo-Skënderbeu-Flamurtari.

Lufta për kreun u bë “zjarr” në javën e fundit, kur blutë e kryeqytetit humbën në Burrel, ndërsa korçarët dhe vlonjatët përfituan.

Për një opinion teknik të mirëfilltë se kush mund të jenë dy ekipet që do të ngjiten direkt dhe pse, “Panorama Sport” ka kontaktuar dje trajnerë që kanë drejtuar në këtë kategori: Agim Canaj, Migen Memelli dhe Artan Sakaj, të cilët kanë një ndërthurje me vetë këto skuadra.





Lajmet e fundit nga