E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Kapiteni i Skënderbeut "ndez" sfidën me Flamurtarin: Nuk i trembemi askujt!

4 Nëntor 2022, 16:32, Sport CNA

Kapiteni i Skënderbeut "ndez" sfidën me Flamurtarin: Nuk i

Skënderbeu kërkon që të ndalë Flamurtarin. Duke parë formën e mirë të vlonjatëve, korçarët janë përgatitur për një “malore” të madhe. Gjithsesi, misionin e kanë të qartë. Ata duan që të gjejnë kthesën pas atij barazimi befasues me Besëlidhjen dhe të rikuperojnë pozita në renditje dhe ku më mirë se përballë kryesuesve. I këtij mendimi është edhe portieri Shkëlzen Ruçi.

“I graduar” kapiten pas mungesës së Vangjel Zguros në javët e fundit, elbasanasi sheh me bindje drejt ndeshjes së radhës. Gjatë një deklarate të dhënë enkas për “Panorama Sport”, përtej vlerësimeve për kundërshtarin, ai trepikëshin nuk e quan të pamundur.

“Kemi pasur kohë të përgatitemi për Flamurtarin, pas shtyrjes së ndeshjes me Apoloninë. Kemi studiuar kundërshtarin dhe bërë planin e plotë të punës.

Është një duel vendimtar, madje më shumë se ai ndaj Dinamos. Këto javë ekipet kanë marrë formë dhe Flamurtari është duke kaluar një moment shumë të mirë. Por gjithsesi, kur them kështu dua të nënvizoj se nuk i trembemi askujt.

Pas barazimit me Besëlidhjen që ishte një rezultat, i cili na preku disi, pasi e mendonim të fituar, kjo është hava që do të na duhet të tregojmë gjithçka për të thënë se jemi atje.

E rëndësishme është ringritja pas ndalesave të tilla dhe ku më mirë se me Flamurtarin mund ta bëjmë një gjë të tillë”, theksoi Ruci, i cili në të njëjtën kohë kërkoi edhe mbështetjen e tifozëve për këtë takim.

“Kjo është një ndeshje me aromë Superioreje, ndaj edhe duhet vlerësuar si e tillë. Jo vetëm nga ne pasi jemi duke e bërë një gjë të tillë, por edhe nga tifozët.

Kërkojmë mbështetjen e tyre pasi me ta jemi më të fortë. Jam i bindur se do të jenë të shumtë në numër dhe mund t’ia dalim.

Është një nga ato ndeshje që të falin sodisfaksion, ndaj duhet të japim më të mirën tonë. Nëse jemi grup askush nuk na ndal”, përfundoi Ruçi.

Ndeshja e së hënës pritet që të jetë një tregues i qartë i forcës së Skënderbeut, sidomos pas luhatjeve të shumta që kanë shfaqur këtë sezon.