E fundit!

08:19 Ekonomi

Sektori i peshkimit në rënie/ Prodhimi bie me gati 8% gjatë vitit 2025

Sektori i peshkimit ka shënuar një performancë shqetësuese...

Kalendar "ferri" për Juven, afrohet Araujo. Vlahovic drejt largimit

8 Janar 2025, 20:40, Sport CNA

Kalendar "ferri" për Juven, afrohet Araujo. Vlahovic drejt

Muaji janar duket se do të jetë vendimtar për Juventusin, i cili përballet me sfida të mëdha si në fushë ashtu edhe në tregun e transferimeve.

Bardhezinjtë do të përballen me një kalendar ferri, që rezervon ndeshje ndaj Torinos në derbi, Atalantës, Milanit dhe Napolit.

Gjithçka bëhet edhe më komplekse me ndeshjet vendimtare në Champions League, që do të përcaktojnë të ardhmen e tyre në arenën evropiane.

Në këtë kontekst, përforcimet në skuadër janë më se të domosdoshme. Reparti i mbrojtjes është prioriteti kryesor për drejtuesit e “Zonjës së Vjetër”. Sipas raportimeve nga Spanja dhe Italia, Juventus është shumë afër arritjes së një marrëveshjeje për transferimin e mbrojtësit uruguaian të Barcelonës, Ronald Araujo. Lojtari ka dhënë miratimin për t’u transferuar në Torino, por pengesa kryesore mbetet arritja e një marrëveshjeje financiare me klubin katalanas. Në të njëjtën kohë, Barcelona duket e gatshme të largojë edhe mbrojtësin danez Andreas Christensen, i cili mund të përfundojë gjithashtu në orbitën e bardhezinjve.

Ndërkohë, përpjekjet e Juventusit nuk ndalen në repartin e mbrojtjes. Sulmi gjithashtu ka nevojë për përmirësime, veçanërisht duke marrë parasysh problemet e vazhdueshme fizike të Milik. Klubi është i fokusuar në gjetjen e një alternative të besueshme dhe emri që ka dalë në pah është ai i Joshua Zirkzee, sulmues i ri i Manchester United. Megjithatë, mungesa e një akordi deri më tani ka bërë që Juventus të shqyrtojë mundësi të tjera. Kolo Muani, i cili aktualisht luan për PSG, është një opsion shumë i mundshëm, dhe klubi francez duket i hapur për një marrëveshje huazimi deri në fund të sezonit.

Në të njëjtën kohë, situata e Dusan Vlahovic mbetet e paqartë. Serbi ka qenë një nga pikat kryesore të sulmit të Juventusit, por bisedimet për rinovimin e kontratës së tij kanë ngecur. Kjo ka nxitur spekulimet për një largim të mundshëm, i cili mund të ndodhë që në janar, nëse klubi merr një ofertë të kënaqshme. Megjithatë, largimi i tij duket më i mundshëm gjatë verës, kur klubi mund të marrë kohën e nevojshme për të gjetur një zëvendësues të denjë.

Për Juventusin, ky janar mund të jetë përcaktues jo vetëm për ecurinë e sezonit aktual, por edhe për të ardhmen e klubit.