web counter
LEXO PA REKLAMA!

SHKARKO APP

App Store
Google Play

E fundit!

x

Deschamps njofton largimin nga Franca pas Botërorit, dy kandidatë për stolin

8 Janar 2025, 17:29, Sport CNA

Deschamps njofton largimin nga Franca pas Botërorit, dy kandidatë

Trajneri Didier Deschamps, ka konfirmuar zyrtarisht largimin e tij nga drejtimi i kombëtares së Francës, pas përfundimit të Kupës së Botës 2026.

Aventura e 56-vjeçarit në stolin e gjelave do të mbyllet pas 14 viteve aty, pasi e mori drejtimin e ekipit në vitin 2012.

“Unë jam këtu që nga viti 2012 dhe kam planifikuar të qëndroj deri në vitin 2026, pas Botërorit të ardhshëm. Do të përfundojë atje sepse në një moment duhet të mbyllet! Në mendjen time është shumë e qartë! E kam kryer kohën time këtu me të njëjtën dëshirë dhe pasion për ta mbajtur Francën në nivelin më të lartë, por viti 2026 është një kohë e mirë për t’u ndalur.”, tha trajneri.

Deschamps ka qenë një figurë kyçe për Francën gjatë gjithë kësaj periudhe, pasi ka drejtuar ekipin kombëtar në plot 165 ndeshje, duke arritur suksese të jashtëzakonshme, përfshirë triumfin në Kupën e Botës 2018 dhe në Ligën e Kombeve 2021. Si ish-kapiten dhe më pas trajner, ai ka bërë historinë duke u bërë një nga tre personat e vetëm që kanë fituar Kupën e Botës si lojtar dhe trajner.

Me largimin e Deschamps në horizont, Federata Franceze e Futbollit ka nisur të mendojë për të ardhmen e ekipit. Në krye të listës së kandidatëve për stolin e Francës janë dy emra të mëdhenj, Zinedine Zidane dhe Thierry Henry.

Favoriti absolut për të marrë drejtimin e Kombëtares së Francës është Zidan, i cili ka qenë pa ekip që nga largimi i tij nga Real Madridi në vitin 2021, ndërsa e ka shprehur hapur dëshirën për të drejtuar ekipin kombëtar. Në të kaluarën, Zidane ka refuzuar disa oferta nga klube të mëdha me synimin e qartë për t’u bërë trajner i Francës.

Tekniku 52-vjeçar ka një karrierë mbresëlënëse në pankinë, duke fituar tre herë radhazi Ligën e Kampionëve me Real Madridin dhe duke krijuar një reputacion si një strateg i shkëlqyer. Federata Franceze duket e bindur se Zidane është personi i duhur.

Një tjetër emër që po diskutohet është ai i Thierry Henry . Ish-sulmuesi ka filluar një karrierë si trajner, duke përfshirë rolin e tij si ndihmëstrajner i Belgjikës dhe trajner i ekipit olimpik të Francës. Performanca e tij në këtë rol ka lënë një përshtypje pozitive në Federatën Franceze të Futbollit.

Edhe pse ka më pak përvojë krahasuar me Zidane, Henry është parë si një kandidat i freskët dhe me shumë potencial për të sjellë një qasje të re në ekipin kombëtar.





Lajmet e fundit nga