web counter
LEXO PA REKLAMA!

SHKARKO APP

Juventusi i “shpall luftë” Milanit, “Zonja” me plan të qartë

21 Maj 2025, 18:40, Sport CNA

Juventusi i “shpall luftë” Milanit, “Zonja” me plan

Juventusi ka përcaktuar dy objektiva kryesore për merkaton e verës, Sandro Tonalin për mesfushën dhe Dan Ndoye për krahët e sulmit.  

Drejtori sportiv Cristiano Giuntoli synon të përforcojë repartin e mesit të fushës me cilësi dhe eksperiencë, por lëvizja për Tonalin kushtëzohet nga kualifikimi në Ligën e Kampionëve, që do të siguronte të ardhura shtesë.

Newcastle nuk pritet ta lejojë lehtësisht largimin e lojtarit, i blerë për 60 milionë euro dhe i ruajtur gjatë periudhës së pezullimit për çështjen e basteve.

Në mungesë të Champions-it, buxheti i Juventusit dhe vetë objektivat mund të ndryshojnë. Për repartin ofensiv, klubi bardhezi synon Ndoye-n, i cili këtë sezon ka shënuar 8 gola dhe dhënë 4 asist nën drejtimin e Vincenzo Italianos.

Ndoye shihet si zëvendësues potencial i Francisco Conceiçaos, i cili do të rikthehet te Porto. Interes për sulmuesin anësor ka edhe Milani, që po ndërton projektin e ri nën drejtimin e çiftit Tare-Furlani. Në sfond mbetet çështja Vlahovic, largimi i mundshëm i të cilit do të detyronte lëvizje të tjera në sulm.





Lajmet e fundit nga