web counter
LEXO PA REKLAMA!

SHKARKO APP

App Store
Google Play

E fundit!

x

Juventus, skenari i UEFA-s/ Një vit jashtë Evrope dhe një gjobë e madhe

27 Qershor 2023, 11:14, Sport CNA

Juventus, skenari i UEFA-s/ Një vit jashtë Evrope dhe një

Fati i Juves nuk është shkruar ende, nuk është vendosur nëse “Zonja e Vjetër” do të jetë prezente në Evropë këtë sezon, kjo pasi fillimisht pritet vendimi që do të marrë UEFA, vendim që në rastin më të mirë pritet të vijë në mesin e muajit korrik.

UEFA kërkoi nga FIGC dhe nga prokuroria e Torinos të gjithë dokumentacionet e nevojshme për hetimin që u krye në lidhje me shkeljet e rregullave të Fair Play financiar.

Sipas “La Gazzetta dello Sport”, Juventus pritet të dënohet me një vit jashtë Evrope, që do të thotë, Juve nuk do të luajë këtë sezon në Conference League. E përditshmja italiane shton gjithashtu se “Zonja e Vjetër” do të marrë dhe një supergjobë nga UEFA.

Në fundin e vitit të shkuar, Juve kishte firmosur një marrëveshje me UEFA-n ku gjoba prej 23 milionë eurosh të reduktohej në 3 milionë euro, me kusht që Juve të përmbushte të gjithë detyrimet financiare, të ishte korrekt me rregullat e UEFA-s, diçka që me sa duket nuk është realizuar nga drejtuesit e bardhezinjve. Në çdo rast, çështja “Juve” pritet të përfundojë në CAS.





Lajmet e fundit nga