web counter
LEXO PA REKLAMA!

SHKARKO APP

E fundit!

x

"Ishte e frikshme, mendova se do vdisja", Szczesny kujton momentin delikat

26 Qershor 2023, 16:12, Sport CNA

Wojciech Szczesny, portieri i Juventusit dhe kombëtares polake, i është rikthyer edhe njëherë episodit të 13 prillit. “Gardiani” ndjeu shqetësim gjatë sfidës ndaj Sportingut të Lisbonës në Europa League.

Duke u detyruar të largohej nga fusha pasi vuri dorën në gjoks. Mjekët e Juves u futën me shpejtësi në fushë dhe e qetësuan fillimisht polakun. I cili, edhe pse dukshëm i frikësuar, arriti në dhomat e zhveshjes me këmbët e tij.

U tremba, kisha ankth, diçka e tillë nuk më kishte ndodhur kurrë më parë”, deklaronte 33-vjeçari. Që për fat të mirë nuk kishte asnjë problem shëndetësor. Szczesny i është rikthyer sërish atij episodi.

Me të vërtetë mendova se do të vdisja, ishte e frikshme. E ndjeva sikur zemra do të më shpërthente në gjoks… I thashë Milikut se ndihesha keq.

Dhimbja në gjoks ishte e tmerrshme dhe ende nuk e di saktësisht sot se çfarë ishte. Ndoshta disa probleme me shpinën ose shtyllën kurrizore”, kujton portieri i Polonisë.

Këtë kombëtare kuqezinjtë e Silvinjos do ta presin në “Air Albania” (10 shtator). “Finale” e vlefshme për Grupin E të eliminatoreve të "Euro 2024".





Lajmet e fundit nga