web counter
LEXO PA REKLAMA!

SHKARKO APP

App Store
Google Play

Ja lojtarët shqiptarë që ndryshuan ekipe në merkaton e janarit

1 Shkurt 2023, 16:31, Sport CNA

26-vjeçari i kushtoi kampionëve në fuqi të Greqisë 1 milion euro, teksa u largua nga kampionati turk pas dy viteve shkëlqimi te Konyaspor.

Reprezentuesi kosovar do të tentoj të fitoj trofe me Olympiacosin, ku në këtë skuadër gjen edhe bashkëkombësin e tij Pajtim Kasamin. Një hap para në karrierën e tij e ka bërë edhe Nedim Bajrami që ka ndërruar skuadër, por jo edhe kampionat.

Fantazisti shqiptar është huazuar nga Empoli te Sassuolo, me skuadrën zigjelbër që ka të drejtën e blerjes së tij në fund të sezonit. Talenti i Shqipërisë, Anis Mehmeti ka ndërruar kampionat, por jo edhe shtet. Mesfushori ofensivë është larguar nga Wycombe (League One) për t’iu bashkuar Bristol Cityt në Championshipin anglez.

22-vjeçari Mehmeti ka nënshkruar një kontratë tre vjeçare e gjysmë deri në qershor të vitit 2026. Ndryshim skuadre ka bërë edhe Astrit Selmani, i cili rikthehet në futbollin skandinav.

Pas një periudhe një vjeçare te Hapoel Beer Sheva në Izrael, sulmuesi kosovar është huazuar te Midtjylland në elitën e futbollit danez.Hapin e madh në karrierë e ka bërë edhe mbrojtësi i talentuar shqiptar, Marsel Ismajlgeci.

22-vjeçari është larguar nga Tirana për tu transferuar te skuadra më e trofeshme në Bosnje dhe Hercegovinë, Zrinjski Mostar.

Skuadra kroate që bën gara në elitën e futbollit boshnjak ka paguar 180 mijë euro për transferimin e Ismajlgecit.Ndërkohë futbollisti i radhës që ka ndërruar skuadër është Ardit Toli.

25-vjeçari vetëm pas gjashtë muajsh te Vorskla Poltava në Ukrainë, karrierën do ta vazhdoi në Gjeorgji ku është zyrtarizuar nga Torpedo Kutaisi.Toli do të jetë si huazim te Torpedo për gjashtë muaj.





Lajmet e fundit nga