web counter
LEXO PA REKLAMA!

SHKARKO APP

App Store
Google Play

Ish-trajneri italian: Rrahmani më kujton Gatuzon!

6 Gusht 2023, 21:42, Sport CNA

Ylber Ramadani ka hedhur hapin e madh të karrierës, teksa tashmë do të luajë në Serinë A Italiane. Futbollisti i kombëtares shqiptare, ka firmosur për Leçen dhe këtë vit do të mund të tregojë vlerat e tij në një nga kampionatet më të forta në bota.

Një “bast” për Leçen, por që për Xhovani Kostantino, ish-trajneri i Ramadanit te MTK Budapest, është një garanci për një lojtar të gatshëm për të luajtur në Serinë A, siç është shprehur ai vetë për mediat italiane duke përshkruar mesfushorin shqiptar.

“Më kujtohet që m’u propozua nga drejtori im sportiv, ishte pa kontratë dhe erdhi me parametër zero. Por ishte e thjeshtë të kuptoje që bëhej fjalë për një lojtar me karakteristika të rëndësishme. Në fazën mbrojtëse është me të vërtetë shumë i fortë.

Ajo që më ka bërë më shumë përshtypje nga ai janë parametrat fizikë gjatë testeve para fillimit të sezonit, numra me të vërtetë mbresëlënës, që konfirmojnë ato që ishin përshtypjet fillestare.

Si luan? Në fazën e mbulimit është me të vërtetë shumë i fortë dhe gjendet në perfeksion në mesfushën me tre. Nëse mund ta krahasoj me një lojtar, më kujton shumë Gatuzon.

Në Serinë A mund të luajë pa probleme, si teknikisht, ashtu edhe taktikisht. Leçe ka bërë një goditje të madhe, komplimente Korvinos që e zbuloi”, tha Kostantino, i cili ka qenë edhe zëvendëstrajneri i kombëtares së Hungarisë.





Lajmet e fundit nga