web counter
LEXO PA REKLAMA!

SHKARKO APP

App Store
Google Play

Pioli mendon se arbitri anoi nga Interi: Përdori dy standarte, jam i irrituar

11 Maj 2023, 00:26, Sport CNA

Milani i ka zhgënjyer të gjithë në mbrëmjen e sotme kundër Interit. Një gjymsëfinale me shumë emocione pritej, por zikaltërit i kanë hequr ato në vetëm tre minuta. Dzeko realizoi golin e parë në minutën e 8 dhe Mkhitarian dyfishoi shifrat në të 11.

Këtu do të merrte fund historia e takimit që përfundoi 0-2. Milani tentoi të kthehej në pjesën e dytë, por pa mbajtur dot ritmin dhe t’i afrohej më shumë portës. Menjëherë pas përfundimit të takimit, trajneri i Milanit, Pioli, u shpreh se arbitri anoi nga Interi në këtë përballje.

“Interi bëri më mirë se ne në pjesën e parë dhe shënoi 2 gola. Ne bëmë më mirë se Interi në të dytën dhe nuk shënuam, kjo është diferenca në këto nivele. Në 7 minuta loje, Interi ende nuk kishte hyrë në zonën tonë, u fut dhe në goditjen e parë nga këndi shënoi.

Ndeshja u bë shumë më e komplikuar pastaj. Por pashë një reagim të madh dhe duhet të nisemi nga aty. Donim të bënim paraqitje tjetër, por ka vullnet për ta kthyer historinë, ndeshjet vendosen nga episodet, duhet të besojmë. Arbitri? Kam parë gjykime me dy standarte në situata që ishin disi të dyshimta, jam i irrituar”, tha Pioli. 





Lajmet e fundit nga