web counter
LEXO PA REKLAMA!

SHKARKO APP

App Store
Google Play

E fundit!

x

Investimet e panjohura të ‘milionerit’ Çesk Fábregas/ Heura, FC Andorra, Rezzil...

7 Gusht 2022, 12:04, Sport CNA

Në vitin 2015, revista ‘Forbes’ e renditi atë si lojtarin më të paguar spanjoll. Dhe megjithëse kanë kaluar disa vite që nga kjo, e vërteta është se Çesk Fábregas mund të vazhdojë të mburret sot, se ka një llogari të madhe bankare.

Katalanasi ka qenë në gjendje të menaxhojë ekonominë e tij në përsosmëri gjatë karrierës së tij 16-vjeçare dhe ka diversifikuar investimet e tij në sektorët më të ndryshëm: si hotele, biznese të reja, klube futbolli...

Nënshkrimi i tij i fundit për Komon në Serinë B të futbollit italian, befasoi shumë. Por, ndoshta, është më e lehtë për t'u kuptuar duke ditur se përveç kësaj, ai është bërë aksioner i klubit, siç bëri edhe në vitin 2019 me Andorrën e Piques. Përveç kësaj, ideja është që ai të përfundojë si trajner. 

Në vitin 2011 filloi të investojë në SERHS, një grup i specializuar në produkte dhe shërbime për hotele, restorante, komunitete dhe kompani. Lidhur me këtë, vitin e kaluar ai donte të investonte para në 'Heura', mish 100% vegjetal, në të cilin ka edhe investitorë të tjerë.

Së fundmi, përveç kësaj, ka vendosur të vërë bast për teknologjitë e reja përmes kompanive si ‘Rezzil’, e cila i kushtohet stërvitjes virtuale të sportistëve. Gjithashtu në ‘The Football Company’, fokusuar te metaversi që ka joshur kaq shumë futbollistë kohët e fundit.

Përveç kësaj, Fábregas ka një portofol të madh të pasurive të paluajtshme në emrin e tij. Pa shkuar më tej, ai ka një shtëpi të vendosur në qytetin katalanas të Castelldefels që vlerësohet rreth 5 milionë euro.





Lajmet e fundit nga