web counter
LEXO PA REKLAMA!

SHKARKO APP

App Store
Google Play

E fundit!

x

Humbja turpëruese ndaj Vllaznisë, gati masat ndëshkimore te Skënderbeu

25 Dhjetor 2023, 12:43, Sport CNA

Humbja turpëruese ndaj Vllaznisë, gati masat ndëshkimore te

Skënderbeu pësoi një humbje të turpshme në ndeshjen e kampionatit, siç ishte ajo ndaj Vllaznisë, ku korçarët u shpërfytyruan me rezultatin 5-0. Trajneri i Skënderbeut, Ivan Gvozdenovic, ka kërkuar që të marrë kohë për të analizuar me kujdes të gjithë golat e pësuar dhe për të nxjerrë gabimet e shumta që skuadra ka bërë në këtë ndeshje. Gvozdenoviç e ka cilësuar turp këtë humbje dhe duket se pasojat do të bien të gjitha mbi ekipin.

Trajneri bardhekuq nuk e ka përjashtuar mundësinë edhe të ndëshkimeve për individë të caktuar, që kanë qenë jashtë çdo pritshmërie në ndeshjen e luajtur në Shkodër. Pas konsultimit me presidentin Ardjan Takaj, Gvozdenoviç i ka lënë detyrë çdo lojtari, që veç programit stërvitor, të merret edhe me analizimin me detaje të ndeshjes së humbur thellë ndaj Vllaznisë.

Pritet të ketë masa dhe ndryshime sa i përket formacionit, që ka pësuar një lëkundje nga ai i javëve më parë, kur titullarët ishin të paprekshëm. Serbi ka arritur deri aty sa të kthejë kokën nga pankina për të parë elementët e gatshëm dhe për të aplikuar masën ndëshkimore për titullarët që nuk iu përgjigjën si duhet trajnerit në fushë. Sipas tij, të justifikohesh me gabime arbitrash dhe të humbësh 5-0 është diçka e rëndë, ndaj edhe ndëshkimet pritet të jenë të tilla.





Lajmet e fundit nga