web counter
LEXO PA REKLAMA!

SHKARKO APP

App Store
Google Play

"Euro 2024"/ Armand Duka: Synojmë të dyfishojmë të ardhurat nga Europiani

24 Dhjetor 2023, 08:34, Sport CNA
"Euro 2024"/ Armand Duka: Synojmë të dyfishojmë të
Armand Duka

Kreu i Federatës Shqiptare të Futbollit, Armand Duka, në një intervistë për "Monitor", u shpre se synon të dyfishojë të ardhurat nga Europiani. 

Gjatë fjalës së tij, Duka theksoi se një pjesë e mirë e shpërblimeve që do marrim nga kualifikimi për në finalet e Kampionatit Europian do të përdoren pikërisht për të mbuluar shpenzimet e pjesëmarrjes në këtë turne.

Sipas Dukës, shpenzimet e pjesëmarrjes në "Euro 2024" janë të konsiderueshme. 

"Sigurisht që ne presim të mësojmë zyrtarisht shpërblimin që UEFA do të na caktojë për kualifikimin në finalet e 'Euro 2024', në një kohë që UEFA jep shpërblim edhe për fitoret në vazhdim. Ndërkaq, të ardhurat e tjera, që janë direkte edhe ato, por nga të tjera burime janë për t’u llogaritur në potencial në këtë moment, pasi duhet parë si do të reagojë tregu në numra. Mund të bëjmë ama parashikime mbi këtë dhe të flasim për objektiva. Federata gjeneron mesatarisht çdo sezon të ardhura të caktuara, siç janë edhe kontratat sipas sezoneve kualifikuese. Objektivi ynë është që këto të ardhura të dyfishohen në periudhën që na paraprin. Ajo që duhet të kemi parasysh këtu është që në një kompeticion të madh siç është 'Euro 2024', edhe shpenzimet janë të konsiderueshme, të paimagjinueshme për tregun tonë. Mund t’ju them se një pjesë e mirë e shpërblimeve që marrim nga kualifikimi për në finalet e Kampionatit Europian do të përdoren pikërisht për të mbuluar shpenzimet e pjesëmarrjes në këtë turne madhor", u shpreh ai./CNA

 





Lajmet e fundit nga