web counter
LEXO PA REKLAMA!

SHKARKO APP

App Store
Google Play

E fundit!

x

Humbja me Dinamon, Gvozdenovic: Pësuam dy gola naivë

31 Tetor 2023, 19:37, Sport CNA

Trajneri i Skënderbeut, Ivan Gvozdenovic, foli për MCN TV, pas ndeshjes ku skuadra e tij u mposht 2-1 nga Dinamo.

Gvozdenovic deklaroi se ekipi i tij pësoi dy gola naivë, ndërsa shtoi se ekipi tregoi nervozizëm. Tekniku i korçarëve, theksoi edhe një herë se skuadrës i duhet një sulmues qendre.

"Te goli i parë ishim naivë. Një top nga një largësi e madhe, nuk ishim vendosur mirë. Ishim naivë edhe te goli i dytë. Ishim pak të nervozuar, nuk e di pse. Pas golit të dytë, ishte pak e vështirë. Mungoi pasi i fundit. Mungoi krosimi më i mirë. Mungoi edhe një sulmues i mirë në qendër. Kishim shumë krosime nga të dyja ekipet. Edhe kur erdhi një pasim i mirë në zonë, përsëri Prençi nuk shënoi. Ishim edhe pa fat. Sulmuam, por dalim pa pikë nga fusha dhe kjo nuk është e mirë.

Kjo është situata. Duhet më shumë përqendrim në sulm. Ndoshta Frenklin mund të ketë më shumë minuta. Ishte në fushë 35 minuta, por edhe ai nuk është gati 100% gati. Ka ardhur në skuadër pa bërë fazën përgatitore.

Kur ne nuk shënojmë, nuk kemi gjetur një opsion të mirë. Menduam të luajmë nga krahët me Likën dhe Zejnullai, që të bëjnë shumë krosime, për të shënuar nga sulmuesit. Ideja e dytë ishte të luanim mes linjave. Nuk funksionoi mirë.", tha Gvozdenovic.





Lajmet e fundit nga