E fundit!

10:09 Politikë

“Suksese në udhëheqjen e vendit gjatë një prej kapitujve më të vështirë”/ Rama uron kryeministrin e ri të Ukrainës

Kreu i qeverisë, Edi Rama ka reaguar për emërimin e kryemi...

Huazimet, zgjidhje për sulmin e Milanit dhe Juventusit

10 Janar 2025, 17:01, Sport CNA

Juventusi dhe Milani duken shumë aktivë në merkato, sa i përket klubeve italiane.

“Zonja e Vjetër” është pranë një marrëveshjeje për të afruar sulmuesin francez Kolo Muani, i cili aktualisht është pjesë e Paris Saint Germain. Sulmuesi po përballet me mungesë minutazhi te gjiganti francez dhe për këtë arsye ka dhënë miratimin për t’u transferuar në Serinë A. 26-vjçari shpreson se kalimi në Itali do t’i ofrojë më shumë minuta lojë dhe mundësinë për të treguar cilësitë e tij.

Juventusi ka rënë dakord me lojtarin për kushtet personale të kontratës, por marrëveshja përfundimtare varet nga negociatat me PSG-në. Bardhezinjtë synojnë ta huazojnë sulmuesin deri në fund të sezonit.

Megjithatë, pengesa kryesore mbetet paga e Kolo Muanit, e cila arrin në 12 milionë euro në sezon. Kjo shifër është shumë e lartë për Juventusin, që po kërkon një zgjidhje tjetër. Opsioni më i mundshëm është përgjysmimi i pagës ose mbulimi i një pjese të saj nga PSG-ja. Nëse palët arrijnë një marrëveshje, Kolo Muani mund të bëhet afrimi i parë i rëndësishëm i Juventusit në këtë merkato, duke shtuar alternativat në sulm.

Në krahun tjetër, Milani është në bisedime të avancuara për të afruar Marcus Rashford nga Manchester United. Sulmuesi anglez, i cili po kërkon një ndryshim ambienti për të rigjetur formën e tij më të mirë, shihet si një përforcim i rëndësishëm për kuqezinjtë. Negociatat mes dy klubeve janë në fazën finale, dhe ekziston mundësia që Rashford të transferohet në formë huazimi deri në fund të sezonit.

Për të bërë vend për sulmuesin anglez, Milani ka vendosur të largojë Noah Okafor. Sulmuesi zviceran, i cili nuk ka arritur të konsolidohet si titullar në formacion, do të vazhdojë karrierën e tij në Bundesligë. Milani dhe Leipzig kanë arritur një marrëveshje për huazimin e Okaforit deri në fund të sezonit, me të drejtë blerjeje prej 25 milionë eurosh.

Kjo do të jetë aventura e tij e parë në Bundesligë, pas eksperiencave të mëparshme në Itali, Austri dhe Zvicër. Lajpcig sheh te Okafor një sulmues me potencial për të përforcuar ofensivën e tyre, veçanërisht në garën për një vend në Ligën e Kampioneve.

Ndërkohë, largimi i Noah Okafor nga Milani dhe transferimi i tij te Leipzig mund të jetë një hap pozitiv për të dyja palët. Për zviceranin, kalimi në Bundesligë është një mundësi për të rigjetur formën dhe për të konsoliduar karrierën në një ligë konkurruese, ndërsa Milani do të përfitojë nga lirimi i hapësirave në sulm dhe fondet e mundshme nga shitja e tij.