Harroi çunin në hotel pas finales së Botërorit, Aguero tregon bëmat epike: Si e zbrita Mesin nga shpatullat se më sakatoi…

10 Janar 2023, 20:47, Sport CNA

Harroi çunin në hotel pas finales së Botërorit, Aguero

Për Serxho Kun Agueron, të shihte Argjentinën e udhëhequr nga Lionel Mesi teksa ngriti Kupën e Botës ishte një moment po aq i kënaqshëm sa do të kishte qenë po të ishte vetë në fushë.

Pasi u tërhoq para kohe nga futbolli në 2021 pasi u diagnostikua me një aritmi kardiake, Aguero po ndiqte fushatën e Argjentinës në Katar 2022 dhe madje u ftua nga Federata e Futbollit të Argjentinës (AFA) për të ndarë dhomën me shokun e tij të vjetër Lionel Mesi përpara finales. Mediat zbulojnë se Mesi, u zemërua me Agueron pak minuta pasi ngriti Kupën e Botës.

“Kam pirë shumë, por nuk kam ngrënë. Ne ishim kampionë bote. Nëse diçka do të më ndodhte, le të jetë atje”, tha Aguero për TyC Sports.

“Leo u zemërua dhe më tha ‘ndal’. Si të ndaloj? Ne jemi kampionë bote, shumë të lumtur”, ishin fjalët e Agueros drejtuar Mesit.

Aguero e hipi Mesin mbi shpatulla si imazhi ikonik i Maradonës më 1986. Kun kujton çfarë ndodhi:

“I thashë Mesit që, nëse dëshiron, do të të marr dhe do të bëj xhiron olimpike. Mendova se ishte 15 metra, jo e gjithë xhiroja olimpike, sepse nëse do ta bëja të plotë ma thyente kurrizin.

Në një moment shkuam në cep të fushës dhe e i thashë se është koha të zbresësh, sepse m’i sakatove supet. Vazhduam edhe disa metra dhe kuptova se po më dhembte shpina”.

Gjithashtu ish-sulmuesi zbuloi se si harroi çunin në hotel pas finales, teksa po nises për në Argjentinë me ekipin:

“Djemtë donin të më merrnin me vete në Argjentinë. Më thanë të nxitoja sepse avioni po largohej, duke thënë: “Hajde, hajde. Të paraqesim pasaportën, gjithçka.

Po largohesha me kombëtaren dhe më pas m’u kujtua që kisha djalin në hotel, nuk mund ta lija të shtrirë. I telefonova Benjës dhe i thashë se do të shkoja atje. Ai ishte aq i prirur sa harrova gjithçka.”