web counter
LEXO PA REKLAMA!

SHKARKO APP

App Store
Google Play

Hakimi “thumbon” PSG-në nga Maroku: Atje nuk më pasojnë topin!

7 Dhjetor 2022, 14:07, Sport CNA

Achraf Hakimi dhe kombëtarja e Marokut po shijojnë një ecuri historike në Botëror teksa kombëtarja afrikane mbërriti në çerekfinalet e Kupës së Botës në "Katar 2022". Maroku eliminoi Spanjën në fazën e 1/8-ave teksa u treguan më të saktë nga pika e bardhë e penalltisë me 11-metërshin vendimtar që e realizoi një nga liderët e kombëtares Achraf Hakimi. Lojtari i PSG-së pas sfidës u shpreh se në kombëtare ndihet shumë i rëndësishëm, ndryshe nga sa ndodh në klubin francez aty ku sipas tij, nuk ia pasojnë topin.

“Jemi duke shkruar historinë dhe për mua është e pabesueshme sa shumë njerëz po e përjetojnë diçka të tillë. Kjo na jep forcë për të vazhduar para, janë momente që nuk do t’i harrojmë kurrë. Duam shumë të ndryshojmë edhe mentalitetin e personave që thonë se ne nuk mund të bëjmë mirë në futbollin europian. Ne po ia dalim shumë mirë dhe mbi të gjitha në Botëror.

Tani kam një mentalitet ndryshe dhe ndihem më i maturuar. Kjo lidhet edhe me klubin e Parisit sigurisht, por në kombëtare e theksoj se ndihem më i rëndësishëm. Këtu e prek më shumë topin dhe jam më shumë vetvetja. Në Paris është ndryshe, ndonjëherë vrapon të gjithë fushën dhe nuk të pasojnë topin në fund. Ndërkohë, në kombëtare shokët mundohen të më gjejnë në fushë dhe e dinë sa rëndësi kam në mbrojtje apo në sulm. Më japin shumë besim dhe unë mundohem t’ia rikthej”, u shpreh Hakimi.





Lajmet e fundit nga