web counter
LEXO PA REKLAMA!

SHKARKO APP

App Store
Google Play

Gvozdenovic: Duhej barazim ndaj Teutës, ja pse bëra ndryshime

19 Shtator 2023, 17:18, Sport CNA

Trajneri i Skënderbeut, Ivan Gvozdenovic, foli për MCN TV, pas humbjes minimale ndaj Teutës.

Gvozdenovic deklaroi se barazimi do ishte rezultati më i mirë, ndërsa shtoi se ndeshja u vendos nga një episod.

"E nisëm kampionatin mirë, por kemi marrë dy humbje radhazi. Unë si trajner nuk jam i kënaqur. Sot ishte një ndeshje delikate, sepse Teuta vinte pas një humbje, ashtu si ne. Sot ishte një ndeshje për barazim, por një episod e vendosi ndeshjen. Nuk ishim të qetë në sulm, por ishim disi egoistë. Me fazën e sulmit do punojmë shumë.

Edhe Rashica edhe Nikaj, ishin të lodhur dhe vendosëm të rifreskojmë. Për mendimin tim, Rashica ishte shumë mirë kur u fut nga stoli. Bëri shtyllë dhe kishte një tjetër rast.

Rami ka treguar në stërvitje se mund të luajë edhe në krahë mirë. Unë doja rezultat të mirë, por mos harrojmë se kemi shumë ndeshje dhe duhet bërë rotacion.

E nisëm ndeshjen mirë dhe ishim në ekuilibër në pjesën e parë, deri sa nuk kishin shënuar. Në pjesën e dytë kaluam në 4-2-3-1, ishim me katër lojtarë ofensivë. Kjo ishte maksimumi që mund të bënim nga pankina.

Kur jemi me 3 lojtarë prapa, ne jemi më qetë. E qarkullojmë topin më mirë. Një gabim sot e pësuam dhe u vendos ndeshja.", tha Gvozdenovic.





Lajmet e fundit nga