web counter
LEXO PA REKLAMA!

SHKARKO APP

App Store
Google Play

Grupi E/ Të gjitha skuadrat luajnë për kualifikimin

26 Qershor 2024, 12:22, Sport CNA

Grupi E/ Të gjitha skuadrat luajnë për kualifikimin

Kjo e mërkurë rezervon dy përballje tejet interesante në Grupin E të Europianit, aty ku të gjitha skuadrat janë në kuotë të barabartë pikësh, me nga një fitore.  

Belgjika përballet me Ukrainën, në një sfidë ku fitorja është detyrim. Kombëtarja e drejtuar nga Tedesco, e nisi me humbje rrugëtimin në "Euro 2024", duke bërë që në drejtim të tyre të shpërthejnë edhe kritikat.

Megjithatë fitorja 2-0 ndaj Rumanisë ka rikthyer qetësinë te belgët, që tashmë synojnë vetëm fitoren për të kaluar më tej si kryesues.

Kualifikimin e synojnë edhe tek Ukraina, e cila është në Europian për herë të katërt. Një shpirt i paepur luftarak dhe një qëndrim që nuk mund të vdesë kurrë e kanë çuar Ukrainën në majë të historisë.

Edhe një pikë do të jetë e mjaftueshme për të siguruar vendin e Belgjikës në dy pozicionet e para të Grupit E. “Djajtë” do të luftojnë për vendin e parë me një fitore që do t’i shihte të përparojnë në fazën eliminatore për të tretën herë radhazi.

Ndeshja tjetër është ajo mes Sllovakisë dhe Rumanisë. Kombëtarja sllovake do të kërkojë të kalojë grupin për herë të dytë në histori dhe për ta bërë këtë duhet vetëm fitorja.

Sa u përket rumunëve, për të prerë biletën për në fazën e 1/16-ave, mjafton edhe një barazim, pasi do t'u siguronte atyre, një nga dy vendet e para.

Të dyja ndeshjet e Grupit E, janë planifikuar të luhen duke nisur nga ora 18:00, e kësaj të mërkure.





Lajmet e fundit nga