E fundit!

09:16 Aktualitet

Apartamente, njësi shërbimi dhe automjete luksoze/ Konfiskohen 1.8 milionë euro pasuri

Me kërkesë të Prokurorisë pranë Gjykatës së Shkallës së Pa...

Mediat prestigjioze i bëjnë jehonë Kombëtares shqiptare

25 Qershor 2024, 12:41, Sport CNA

Kombëtarja shqiptare u eliminua nga Europiani, aty ku ishte pjesë e të ashtuquajturit, "grupi i vdekjes".

Pavarësisht largimit, vlerësimet për Shqipërinë në "Euro 2024", kanë qenë të shumta. Përveç tifozëve shqiptarë dhe mediave në vendin tonë, paraqitjes së kuqezinjve i kanë bërë jehonë edhe mediat më të mëdha botërore.

Në artikullin kushtuar Shqipërisë, "BBC", shkruan se pavarësisht eliminimit, skuadra e Silvinjos bëri për vete shumë tifozë me performancat e tyre prestigjioze.

“Shqipëria nuk ka marrë pjesë në asnjë Kupë Bote dhe kjo është hera e dytë që marrin pjesë në Kampionat Europian. Por ata bënë për vete shumë tifozë me performancat e tyre guximtare.

U mposhtën 2-1 nga Italia, por në ndeshjen e dytë morën një barazim 2-2 ndaj Kroacisë në kohën shtesë. Shqipëria luftoi fort kundër Spanjës dhe me Brojën që shkaktonte probleme, ata shtynë para për të shënuar një gol që të ishin në vendet e treta më të mira në grup për të mbajtur gjallë shpresat shumë të pakta për kualifikim. Megjithatë, as “siluri” i Asllanit dhe as shansi i Brojës në kohën shtesë nuk i dhanë mundësi Shqipërisë të vazhdonte më tej dhe konkurrimi i tyre në këtë kompeticion mori fund”, shkruan "BBC".

Mbulim të veçantë, Kombëtares shqiptare i ka bërë edhe "Reuters".

“Shqipëria kthehet në shtëpi si skuadra e fundit e grupit të tyre në 'Euro 2024' me vetëm një pikë, por këto fakte nuk tregojnë asgjë për kontributin e saj të shkëlqyeshëm në turne në betejat pasionante kundër tri prej skuadrave kryesore të turneut.

Federata ambicioze e futbollit e Shqipërisë shpreson që përvoja në Gjermani t’i ndihmojë për të ardhmen, me paraqitje më të rregullta.

Një gjë për të cilën mund të jenë të sigurt shqiptarët është mbështetja e jashtëzakonshme.

Shumë ishin të befasuar kur panë shqiptarët në numër më të madh se italianët në ndeshjen hapëse, dhe kjo vazhdoi gjatë gjithë kohës, zhurma dhe ngjyra e tifozëve “kuqezi” përputheshin me numrin e madh të tyre. Disa erdhën nga shtëpia e disa të tjerë nga diaspora globale shqiptare”, shkruan "Reuters".