web counter
LEXO PA REKLAMA!

SHKARKO APP

App Store
Google Play

E fundit!

x

Gjimshiti pranon fajin: Te goli i barazimit gabova unë

6 Qershor 2022, 23:12, Sport CNA
Gjimshiti pranon fajin: Te goli i barazimit gabova unë
Berat Gjimshiti

Mbrojtësi Berat Gjimshiti është pa dyshim një nga liderët e Kombëtares shqiptare. Futbollisti i cili aktivizohet tek Atalanta në Serinë A, ishte i pafat në ndeshjen e sotme ndaj Islandës, duke i dhuruar një asist, në golin e barazimit.

“Për mua është rezultat i keq. Në pjesën e dytë bëmë shumë gabime, te goli gabova unë, i kërkoj falje skuadrës. Teknikisht duhet ta kisha hequr topin më mirë. E kishim mundësinë ta fitonim ndeshjen. Ishin më agresivë, kemi humbur shumë duele, ata kishin më shumë vetëbesim në pjesën e dytë dhe krijuan më shumë.

E vështirë të thuash pse ndodhin gabime në mbrojtje, unë gabova teknikisht, doja ta hiqja topin në aut, e kapa me të brendshme dhe ia dhashë si një asist, duhet të përmirësohemi, për të mos përsëritur gabimet.

Ne që kemi më shumë eksperiencë duhet të ndihmojmë të tjerët. Ishte e vështirë të ishim më agresivë. Çdo lojtar e ka brenda vetes, që duhet të japë më shumë. Ishim më të ngadalë, ata ishin më agresivë.

Ne kishim ardhur me qëllim ta fitonim ndeshjen, kemi skuadër me cilësi dhe duhet të jemi të vetëdijshëm në atë që duhet të arrijmë. Do t'ia dalim, nëse nuk i bëjmë ato gabime”, u shpreh Gjimshiti.





Lajmet e fundit nga