web counter
LEXO PA REKLAMA!

SHKARKO APP

App Store
Google Play

E fundit!

x

Futbollisti i njohur “vesh kostumin” e heroit, portugezi shpëton një 10-vjeçar të sëmurë

6 Qershor 2022, 15:52, Sport CNA

Ndodh që festimet në disa raste të dalin jashtë kontrollit dhe më pas të shndërrohen në të rrezikshme për pjesëmarrësit. Kështu ishte edhe festa e titullit të Manchester City teksa The Citizens triumfuan në ndeshjen e fundit të kmapionatit. Madje, për ta bërë më dramatike përmbysën në minutat e ndeshjes Aston Villën duke realizuar tre gola.

Ndaj, me të përfunduar ndeshja, tifozët pushtuan fushën e lojës, ndërsa turma vendosi në rrezik jetën e një fëmije 10-vjeçar i cili për më tepër vuante edhe nga sëmundja e autizimit. Megjithatë, para se fëmija të përfundonte në panik, në ndihmë i ka shkuar Joao Cancelo. Mes rrëmujës së tifozëve, anësori i Cityt ia doli ta largonte fëmijën e vogël nga turma, ndërsa mamaja e tij falenderon portugezin.

“Ollie nisi të vrapojë, vuan nga sëmundja e autizmit dhe në këtë formë nuk është i ndërgjegjshëm nga rreziku. Shkon shpesh në stadium me babain e tij dhe në ndeshjen e fundit të kampionatit, unë e pashë nga televizori teksa Ollie po vraponte.

Por, i ati nuk ishte aty pranë dhe menjëherë më kapi paniku. Ollie un tremb pasi pa portierin e Aston Villës që u sulmua nga tifozët, mirëpo në këtë moment shfaqet Cancelo. Ai e largoi nga turma, ishte gjithçka shumë e shpejtë dhe djali im nuk mund të rrinte vetëm në fushë. Ajo ngjarje mund të përfundonte shumë keq.

Nga ana tjetër, Cancelo mund të festonte si gjithë të tjerët, por u kujdes për djalin e vogël. Nuk kam pasur mundësi ta falenderoj, por i jam shumë mirënjohës”, shprehet për mamaja e djalit të vogël për Manchester Evening News.





Lajmet e fundit nga