web counter
LEXO PA REKLAMA!

SHKARKO APP

App Store
Google Play

"Tifozët e Tiranës po blejnë bileta në sektorin e Partizanit"

18 Tetor 2023, 16:38, Sport CNA

"Tifozët e Tiranës po blejnë bileta në sektorin e

Nesër do të luhet derbi i radhës mes Partizanit dhe Tiranës, i vlefshëm për javën e gjashtë të Superiores. Një sfidë e prapambetur që pritej të dhuronte emocione si gjithmonë para dhe pas takimit. Por, këtë herë çuditshëm interesi dhe zhurma nuk është aq e madhe.

Prej disa ditësh ka nisur shitja e biletave. Por, numri i shitjes së tyre s’ka qenë në nivelin që pritej. Si të mos mjaftonte kjo, Artan Hoxha ka bërë një koment në rrjetet sociale, ku tregon bisedën me shitësin e biletave. Ky i fundit i ka treguar se tifozët e Tiranës po blejnë bileta në sektorët e mbështetësve të Partizanit.

“Meqë sapo dola nga biletaria te stadiumi “Dinamo”, kati i dytë nuk është hapur fare, pasi klubi kërkon që të mbushet njëherë plot kati i parë.

Kjo gjë ka bërë që te karshia, tifozët e Tiranës të blejnë bileta edhe në sektorët E 105, E 104 që praktikisht duhet të jenë tifozët e Partizanit. Sektorët e vet nga E 106 deri te E 109, Tirana i ka bllokuar dhe i shet vetë. Tifozët e Tiranës po blejnë biletë vetëm pas porte në sektorin e tyre nëse ka mbetur ndonjë biletë pa shitur ose në sektorët e Partizanit”, shkruan Artan Hoxha.

Komenti i Artan Hoxhes
Komenti i Artan Hoxhes




Lajmet e fundit nga