web counter
LEXO PA REKLAMA!

SHKARKO APP

App Store
Google Play

E fundit!

x

Futbollisti shqiptar merr dritën jeshile, gati për t’u bashkuar me përfaqësuesen e Greqisë

24 Maj 2023, 14:05, Sport CNA

Andreas Ndoj ka marrë dritën jeshile nga FIFA për t’u pajisur me dokumentacionin e nevojshëm që të jetë pjesë e kombëtares greke. Futbollisti i Olympiacos ka marrë vëmendjen e mediave greke, duke u konsideruar si një prej afrimeve më të rëndësishme në përfaqësuesen e tyre.

20-vjeçari, vlera e të cilit llogaritet mbi 2 milionë euro, ka luajtur këtë edicion në 21 ndeshje me Olympiacos në kampionat, duke spikatur, teksa ka shënuar edhe një gol ndërsa konsiderohet si një potencial për përfaqësuesen helene. Në mediat greke trumpetohet fakti se lojtari tani do të presë vetëm ftesën e trajnerit të Greqisë.

Ndoj është aktivizuar më skuadrën e 15-vjeçarëve të Shqipërisë, më pas është bashkuar me 17 dhe 19-vjeçarët e Greqisë, për t’u rikthyer te Shqipëria për ekipet e 20 dhe 21-vjeçarëve.

Greqia duket se po nxiton për të marrë shërbimet e Ndojit, i cili është futur në listën e shumë lojtarëve që janë vënë para zgjedhjes së Shqipërisë dhe Greqisë. Mbetet për t’u parë nëse për ndeshjet kualifikuese të muajit qershor, Ndoj do të ftohet nga kombëtarja e Greqisë, çka do ta bënte zyrtarisht një lojtar të helenëve.

Ndoj aktualisht është lojtari më i përfolur i momentit, sa i takon opsioneve për Kombëtaren e Greqisë, ndërkohë që Shqipëria duket se po humbet një element që mund t’i shërbente për të ardhmen.

Ndoj është formuar si futbollist në akademinë e Olympiacos dhe këtë edicion arriti që të fitonte besimin e trajnerit të skuadrës së parë e tani ka ardhur momenti që të vendosë se cilat ngjyra do të përfaqësojë.





Lajmet e fundit nga