web counter
LEXO PA REKLAMA!

SHKARKO APP

App Store
Google Play

E fundit!

x

Futbolli shqiptar në zi, ndahet nga jeta legjenda Sefedin Braho

6 Tetor 2024, 10:22, Sport CNA
Futbolli shqiptar në zi, ndahet nga jeta legjenda Sefedin Braho

Legjenda e futbollit shqiptar, Sefedin Braho, është ndarë nga jeta në moshën 71-vjeçare, mëngjesin e kësaj të diele.

Ish-sulmuesi i Kombëtares, si dhe skuadrave të Partizanit dhe Gjirokastrës, u nda nga jeta pas disa komplikacioneve shëndetësore të shfaqura në ditët e fundit.

Përmes një postimi në rrjetet sociale, faqja e AS Luftëtarit bën me dije se homazhet në nderim të Brahos do të zhvillohen ditën e hënë nga ora 13:00-15:00 në “Pallatin e Sportit”.

“Futbolli gjirokastrit dhe gjithë Shqipëria humbi sot një legjendë. Është ndarë para kohe nga jeta Sefedin Braho, një ikonë e vërtetë dhe një figurë emblematike për klubin gjirokastrit.

Sulmuesi i jashtëzakonshëm, futbollist model dhe njeri me kontribute të mëdha në futbollin shqiptar. Ka shkruar emrin e tij me gërma të arta në historinë e futbollit.

Ngushëllimet më të sinqerta nga klubi AS Luftëtari familjes Braho, miqve dhe të afërmve të tij. Kujtimi i tij do të mbetet i paharruar. Të prehesh në paqe legjendë!

Homazhet në nderim të tij do të zhvillohen ditën e nesërme, ora 13:00 me 15:00 në pallatin e sportit”,- njofton AS Luftëtari.

Sefedin Braho spikati falë talentit të tij, duke qenë një prej lojtarëve më të mirë  në vitet '70-'80.

Në kampionatin shqiptar ka luajtur për Partizanin dhe Luftëtarin, ndërsa me Kombëtaren ka zhvilluar 9 ndeshje, duke realizuar edhe një gol./CNA

 

Futbolli shqiptar në zi, ndahet nga jeta legjenda Sefedin Braho
Sefedin Braho, AS Luftetari

 





Lajmet e fundit nga