Fundi i trishtë/ Fitoi 16 trofe me Bajernin, ish-kampioni i Europës "var këpucët në gozhdë"

7 Shtator 2022, 09:22, Sport CNA

Mbrojtësi dikur i madh i Bajernit dhe përfaqësueses së Gjermanisë, Holger Badstuber, është detyruar t’i japë fund karrierës, edhe pse pritej të luante shumë më gjatë dhe të arrinte suksese edhe më të mëdha në jetë.

Badstuber luajti për Bajernin për tetë vjet dhe fitoi një pjesë të vogël të trofeve gjatë asaj kohe. Me Bajernin, 33-vjeçari fitoi gjashtë tituj kampionë dhe u bë kampion i Europës duke fituar Ligën e Kampionëve në 2013.

Megjithatë, atëherë filluan problemet e pabesueshme të dëmtimeve. Në vitin 2017, Shtutgarti vendosi t’i jepte një shans, kur e transferuan nga Bajerni, por aty u shtuan problemet.

Në katër vjet, Badstuber zhvilloi vetëm 61 paraqitje në të gjitha garat për Shtutgartin dhe ishte më shumë jashtë fushës. Shtutgarti e la të shkojë në Lucern, por ai nuk luajti mirë as në Zvicër. E gjithë kjo iu bë e lodhshme, ndaj vendosi t’i jepte fund karrierës.

Mbrojtësi mjaft i talentuar ka pësuar lëndime mjaft të rënda gjatë karrierës së tij dhe në momentet kyçe kur duhet të arrinte majat e botës. Ai pësoi tmerrin më të madh në dhjetor 2012 kur këputi ligamentet e gjurit, u kthye gjashtë muaj më vonë dhe këputi përsëri të njëjtat ligamente.

Pas kësaj ai këputi tendinën në kofshën e majtë dhe më pas në vitin 2015 lëndoi sërish të njëjtën pjesë të muskulit dhe iu desh të operohej. Ai dëmtoi kyçin e këmbës në vitin 2016, dhe më pas pati probleme me formën e tij fizike. Kur u kthye, lëndoi pulpën dhe aduktorin dhe më pas u shfaq sëmundja.

Në karrierën e tij, ai humbi 212 ndeshje për shkak të lëndimeve, sipas të dhënave të "Transfermarkt". Së fundi ai i dha lamtumirë me fjalë emocionuese.

“Në fund të ditës, mund të shikoj prapa në një kapitull shumë të suksesshëm në jetën time, por do të doja të kisha pasur më pak lëndime”, tha Badstuber.

Ai luajti 31 ndeshje për kombëtaren gjermane dhe luajti në kampionate europiane dhe botërore. Ai fitoi 16 trofe me Bajernin.