web counter
LEXO PA REKLAMA!

SHKARKO APP

App Store
Google Play

E fundit!

x

Prej vitesh luan me Kombëtaren e Francës, por sulmuesi lë nam me përgjigjen: Nuk e di si funksionon Liga e Kombeve

6 Shtator 2022, 19:17, Sport CNA

Pas muajsh thashetheme dhe paqartësish, Osman Dembelè firmosi në mes të korrikut rinovimin e kontratës së tij me Barcelonën deri në vitin 2024. Ish-sulmuesi i Borusia Dortmund, i cili mbërriti në Katalonjë në vitin 2017 për shumën prej 145 milionë eurosh, nuk e ka treguar kurrë plotësisht vlerën, edhe nëse prej disa kohësh duket se ka gjetur formën më të mirë.

Francezi është një personazh disi i çuditshëm: Nuk vjen në kohë në seancat stërvitore, i fiksuar pas video-lojërave dhe i dashuruar pas shakave, ai gjen gjithmonë një mënyrë për t'i bërë njerëzit të flasin për veten e tij. Dhe në një intervistë të fundit me "Get French Football News" në shoqërinë e Griezmann, ai u tha gazetarëve se nuk e kishte idenë se si funksionon Liga e Kombeve.

Në intervistën me shokun e ekipit Antoine Griezmann, secili prej tyre duhej t'i bënte pyetje tjetrit. Por pyetja e Petit Diable për rregullat e Ligës së Kombeve e la Dembelèn disi të hutuar: "Trajneri e shpjegoi, por unë nuk e kuptova", u përgjigj ai duke qeshur dhe duke tundur kokën.





Lajmet e fundit nga