FSHF rrëzon "Digitalb-in", të drejtat e transmetimit për Superioren i merr "TIBO"

5 Gusht 2022, 17:16, Sport CNA

Ashtu siç e paralajmëroi "CNA.al", ditën e djeshme, Kategoria Superiore për sezonin e ardhshëm 2022-2023 do të transmetohet në platformën "TIBO".

FSHF ka zyrtarizuar sot të drejtat e transmetimit dhe ekskluziviteti i Kategorisë Superiore nuk i takojë më Digitalbit, siç ka qenë në vitet e fundit, por do i kalojë platformës së re televizive "TIBO".

Gjithçka është vendosur zyrtarisht dhe ditën e hënë palët do të firmosin kontratën.

Pas humbjes së kampionateve elitare si Seria A, "Digitalb" humbet tashmë edhe një tjetër kampionat si Kategoria Superiore e cila tashmë do shihet në kanalet Oversport të platformës "TIBO".

Prej më shumë se 1 dekade Superliga shqiptare ka qenë ekskluzivitet i "DigitAlb", por duket se oferta e kompanisë prej vetëm 600 mijë eurosh dhënë në garën e hapur nga "TVSH" është mjaft e ulët.

CNA.al ka mësuar se kompania “Tibo” e cila është partnere e "OverSport" që mban ekskluzivitetin e Serisë A, ka ofruar 1.2 milionë euro, pra dyfishin më shumë se "DigitAlb", për të blerë të drejtën televizive të ndeshjeve të "Abissnet Superiore".

CNA.al

Lajmet e fundit nga