web counter
LEXO PA REKLAMA!

SHKARKO APP

App Store
Google Play

E fundit!

x

Formacioni/ Miqësorja me Azerbajxhanin, si pritet rreshtimi i Shqipërisë

7 Qershor 2024, 11:16, Sport CNA

Formacioni/ Miqësorja me Azerbajxhanin, si pritet rreshtimi i

Në miqësoren me Azerbajxhanin, trajneri i Shqipërisë, Silvinjo, pritet të aktivizojë lojtarët që i mendon si titullarë për Europianin dhe kryesisht në ndeshjen e parë të grupit, atë ndaj Italisë.

Në portë, Etrit Berisha do të marrë vendin e Strakoshës, që ishte titullar ndaj Lihtenshtejnit. Dilema e vetme është në krahun e djathtë të mbrojtjes, aty ku ka balotazh mes Hysajt dhe Balliut.

Gjimshiti dhe Ismajli janë të padiskutueshëm në qendër të mbrojtjes, ashtu si edhe Mitaj në krahun e majtë.

Dyshja përpara mbrojtjes do të jetë ajo e kualifikueseve, me Asllanin dhe Ramadanin, ndërsa përpara tyre, do të jetë Nedim Bajrami, në mbështetje të sulmit.

Jasir Asani u konfirmua edhe nga vetë Silvinjo, që do të jetë titullar në të djathtë të sulmit, ndërsa në të majtë pritet të luajë Taulant Seferi. Në qendër të sulmit, me shumë mundësi do të jetë përsëri Armando Broja si titullar, në mënyrë që të marrë minuta në këmbë, pas periudhës së vështirë të kaluar te Fulhemi.

Formacioni/ Miqësorja me Azerbajxhanin, si pritet rreshtimi i

Mbrëmjen e kësaj të premte, trajneri Silvinjo do të zbulojë edhe listën me 26 lojtarët që do të marrë në "Euro 2024". Mbetet të shihet, se cili do të mbetet jashtë, nga lista me 27 lojtarë, që u bë publike pak ditë më parë.

Testi ndaj Azerbajxhanit do të jetë i fundit për Shqipërinë, para Europianit. Në turneun e Gjermanisë, Kombëtarja kuqezi, është pjesë e grupit të hekurt, me Italinë, Spanjën dhe Kroacinë.

 





Lajmet e fundit nga