web counter
LEXO PA REKLAMA!

SHKARKO APP

App Store
Google Play

Seferi: Europianin nuk e shikoj për kontratë, por për kombin shqiptar

6 Qershor 2024, 12:16, Sport CNA

Seferi: Europianin nuk e shikoj për kontratë, por për kombin

Sulmuesi i Kombëtares, Taulant Seferi, foli për mediat në prag të miqësores që Shqipëria do të luajë me Azerbajxhanin.

Seferi deklaroi se lojtarët e presin me padurim Europianin, komperticionin për të cilin deklaroi se nuk e shikon për kontratë në karrierë.

“Padyshim që gjatë kësaj periudhe kemi punuar shumë fort, kemi një ndjesi shumë të mirë, jemi krenarë. Jemi të gjithë bashkë dhe jemi shumë të lumtur që jemi këtu, me zor po e presim Europianin.

Arbër Hoxha është një talent i madh me cilësi, jam i lumtur që ka luajtur dhe po luan për Shqipërinë. Konkurrenca është rritur dhe kjo është një gjë shumë e mirë për Kombëtaren.

Futbolli ndonjëherë ka ulje dhe ngritje, por unë kam pasur qëllimet e mia dhe kam punuar fort që të jem këtu dhe të bëj maksimumin dhe kjo është gjëja kryesore.

Europianin nuk e shoh për kontratë e shoh si gjënë kryesore, por për gjithë kombin shqiptar. Jemi këtu për të punuar fort dhe nuk e mendoj pjesën e transferimit, do ta mendoj pas Europianit. Ne jemi sulmues dhe duhet të bëjmë gola dhe shyqyr zotit jemi të gjithë mirë dhe nuk kemi lëndime dhe ia lëmë kohës.

Ndeshja nga ndeshja ndryshon, kemi një grup të fortë, por besimi do të jetë aty. Duhet të punojmë fort, e përgatisim fort ndeshjen kundër Italisë. Prej ditës së parë kur ka ardhur trajneri na ka thënë që duhet të jemi të bashkuar dhe të jemi një dhe do të jetë shumë e mirë për të gjithë Kombëtaren tonë. Ne jemi shqiptar dhe jemi shumë krenar për këtë fanellë që e veshim është një fanellë e rëndë dhe duhet të bëjmë maksimumin dhe shpresojmë që do kemi rezultate të mira, pse jo.”, tha Seferi.





Lajmet e fundit nga