web counter
LEXO PA REKLAMA!

SHKARKO APP

Spanja merr vendimin për trajnerin para Europianit

5 Qershor 2024, 12:19, Sport CNA

Spanja merr vendimin për trajnerin para Europianit

Luis De La Fuente, do të jetë trajner i Spanjës, të paktën deri në Botërorin e vitit 2026.

Federata Spanjolle e Futbollit, njoftoi rinovimin e kontratës me trajnerin e parë, e cila përfundonte në mes të Europianit të kësaj vere.

Është aktivizuar klauzola e rinovimit automatik dhe palët kanë zgjatur bashkëpunimin mes tyre, deri në Botërorin e 2026-ës.

Në marrëveshjen e re, përfshihet edhe një rritje në pagën e teknikut  62-vjeçar. Gjithashtu do të ketë edhe shpërblime për objektivat në Europian, duke filluar  nga faza e grupeve, aty ku Spanja, është pjesë e grupit B, me Shqipërinë, Italinë dhe Kroacinë.

Bonuset për kombëtaren iberike, do të jepen, duke nisur nga faza e 1/16-ve, me objektivin e parë që është kalimi i grupit.

De La Fuente, mori drejtimin e Spanjës, në dhjetor të vitit 2022, pasi kishte trajnuar më parë kombëtaret e moshave. Në stolin e iberikëve, De La Fuente, numëron 13 ndeshje, ku ka arritur nëntë fitore, dy barazime dhe dy humbje. Arritja më e madhe për të deri tani është fiinalja e Ligës së Kombeve, ku u mposhtën nga Holanda.





Lajmet e fundit nga