web counter
LEXO PA REKLAMA!

SHKARKO APP

App Store
Google Play

Italia e "dashuruar" me shqiptarët/ Tre legjionarë "projektohen" në Serinë A

5 Qershor 2024, 12:23, Sport CNA

Italia e "dashuruar" me shqiptarët/ Tre legjionarë

Me Europianin që është shumë afër, futbollistët shqiptarë janë të fokusuar te kombëtarja kuqezi, megjithatë një sy e kanë edhe nga merkato.

Legjionarët që pritet të ndryshojnë skuadër në merkaton e verës, janë të shumtë.

Rey Manaj, ishte një nga lojtarët më të mirë në sezonin e fundit, pasi në Turqi, e mbylli kampionatin me plot 18 gola të shënuar në Superligë, me fanellën e Sivasspor.

Interesimet për lushnjarin kanë qenë të shumta, ndërsa në garë së fundmi thuhet se është futur edhe klubi i madh italian, Lazio.

Bardhekaltrit janë në kërkim të një sulmuesi dhe drejtuesit kanë "piketuar" Manajn. Sipas raportimeve nga Turqia, thuhet se klubi italian ka bërë ofertën, ndërsa nuk zbulohen detaje.

Te Sivasspori, kërkojnë të paktën 15 milionë euro, për ta lënë të lirë sulmuesin.

Megjithatë, bisedimet janë shtyrë për pas Europianit, pasi te klubi turk, shpresojnë që lojtari të shkëlqejë me Shqipërinë dhe më pas të rrisin pretendimet e tyre.

Me skuadër të re, pritet të bëhet edhe Nedim Bajrami. Fantazisti kuqezi, mbylli një sezon me vështirësi të mëdha te Sassuolo dhe po shikon për një aventurë të re.

Emri i Bajramit, kohët e fundit është lidhur me një kalim të mundshëm te Bologna. Pas kualifikimit në Ligën e Kampioneve për sezonin e ardhshëm, drejtuesit kanë nisur nga puna, për lëvizje që do të bëjnë në merkato. Bajrami ndiqet prej kohësh dhe pritet lëvizja e klubit italian. Në listën e Bologna-s, është gjithashtu edhe një tjetër shqiptar. Bëhet fjalë për Armando Brojën.

Në Angli, raportojnë se e ardhmja e sulmuesit mund të jetë në Serinë A. Bologna e pëlqen shumë 22-vjeçarin, por arritja e një marrëveshje nuk do të jetë e lehtë, për shkak se interes për Brojën ka edhe nga Monaco në Francë dhe Wolves në Premier League.





Lajmet e fundit nga