web counter
LEXO PA REKLAMA!

SHKARKO APP

App Store
Google Play

E fundit!

x

FORMACIONI/ Mesfusha e ribërë dhe Seferi “pykë”, si pritet të rreshtohet Shqipëria ndaj Polonisë

23 Mars 2023, 09:25, Sport CNA

FORMACIONI/ Mesfusha e ribërë dhe Seferi “pykë”, si

Shqipëria bëhet gati të ngrejë siparin e epokës së Silvinjos teksa do të luajë ndeshjen e parë më 27 mars përballë Polonisë në kuadër të kualifikuesve për "Euro 2024". Kuqezinjtë janë grumbulluar prej ditësh në Shtëpinë e Futbollit ku kanë nisur stërvitjet e para me brazilianin.

Grupit i janë bashkuar disa fytyra të reja që pritet t’i sjellin energji ndryshe Kombëtares. Tashmë janë zhvilluar tri ditë stërvitje dhe Silvinjo ka filluar të qartësojë idetë e tij për formacionin. Për shkak të minutave të pakta me klubet, dyshja që pritej titullare, Asllani dhe Bajrami mund ta nisin nga stoli dhe titullare mund të jetë treshja Abrashi, Ramadani dhe Laçi.

Për sa i përket sulmit, duket se Jasir Asani është i prirur ta bëjë debutimin e tij nga minuta e parë në krahun e djathtë. Pas golit të shënuar dje në stërvitje në ndeshjen mes grupit, anësori duket se ka bindur Silvinjon. Surprizë mund të jetë Taulant Seferi në vend të Cikalleshit.

Shqipëria (4-3-3): Berisha; Balliu, Kumbulla, Mihaj, Hysaj; Abrashi, Ramadani, Laçi; Asani, Seferi, Uzuni.
Trajner: Silvinjo





Lajmet e fundit nga