web counter
LEXO PA REKLAMA!

SHKARKO APP

App Store
Google Play

E fundit!

x

Polemikat në Inter-Juve, dalin pamjet si reaguan lojtarët në fushë. Bonuçi ishte i sigurt për prekje me dorë

22 Mars 2023, 21:23, Sport CNA

Rreth katër minuta ishte kohëzgjatja nga momenti kur Kostiç shënoi golin e tij në Inter-Juve e deri në momentin kur gjyqtari dha vendimin pas pamjeve me VAR, që prekja me dorë e Vlahoviç nuk ekzistonte.

Kamerat e “DAZN” kanë treguar se si u përjetua nga skuadrat ai moment, ato që nuk u panë gjatë transmetimit dhe situata duket paksa e çuditshme për shumë arsye. Kamerat tregojnë që është Nikolo Barela i pari i cili reagon për prekjen e topit me dorë, duke siguruar edhe shokët e skuadrës së do të anulohej goli.

Lojtarët e Interit rrethuan menjëherë kryesorin Kifi, ndërsa ata të Juves vazhdonin e festonin, derisa Bremer sinjalizoi Danilon i cili si kapiten duhej të shkonte të fliste me kryesorin mbi atë që po ndodhte.

Ndërsa dy trajnerët e përjetuan në mënyrë të ndryshme situatën. Simone Inzagi tregon prekjen e topit me dorë dhe shkon dhe ia thotë edhe Vlahoviç me shumë qetësi “Është dora neto”.

Nga ana tjetër, Alegri e përjeton me shumë humor ndërsa pret atë që do të thotë VAR, teksa bisedon me disa tifozë në tribunë pas pankinës së tij.

Ajo që bie më shumë në sy është reagimi nga pjesa tjetër e lojtarëve të Juventusit që ishin ulur në pankinë. Duke filluar nga Bonuçi, i cili u bën me shenjë shokëve të skuadrës se ka prekje të topit me dorë. Por ndoshta edhe për çudinë e tyre, kështu nuk e menduan gjyqtarët, të cilët sinjalizuan për golin e Kostiç, i cili do të vendoste duelin mes dy skuadrave.





Lajmet e fundit nga