web counter
LEXO PA REKLAMA!

SHKARKO APP

App Store
Google Play

Formacioni i mundshëm ndaj Çekisë/ Broja në stol, ja kush e zëvendëson Ismajlin

10 Tetor 2023, 09:37, Sport CNA

Kombëtarja shqiptare pasditen e djeshme ka nisur zyrtarisht edhe përgatitjet për sfidën me Çekinë, takim që do të luhet ditën e enjte në orën 20:45. Një duel që është i vlefshëm për kualifikueset e "Euro 2024". Kjo përballje është shumë e rëndësishme pasi vendos shumë mbi kualifikimin e kuqezinjve në Gjermani për vitin e ardhshëm.

Niveli dhe rëndësia e kësaj ndeshje tashmë dihen dhe të gjithë djemtë janë të gatshëm të japin më shukmë se 100% për të marrë një rezultat pozitiv. Gjithsesi Silvinjo është me “dhimbje koke”, pasi do të mungojë një nga shtyllat kryesore të kombëtares. Ardian Ismajli është dëmtuar në sfidën e fundit që zhvilloi me skuadrën e Empolit dhe trajneri brazilian nuk do të mund ta llogaritë për këtë duel.

Me shumë gjasa nga minuta e parë në vend të tij do ta nisë Arlind Ajeti. Mbrojtësi do të vendoset përkrah Berat Gjimshitit për të formuar dyshen para portës.

Ndërkohë edhe ne mesfushë Silvinjo nuk është shumë i qetë. Klaus Gjasula rrezikon këtë sfidë për shkak të një infeksioni në bajame ende nuk është bashkuar me grupin. Gjithsesi trajneri brazilian në mendjen e tij ka gati formacionin që mund të hedhë në fushë ditën e enjte.

Formacioni i mundshëm ndaj Çekisë: Berisha, Hysaj, Ajeti, Gjimshiti, Mitaj, Ramadani, Asllani, Asani, Bajrami, Seferi, Cikalleshi.





Lajmet e fundit nga