web counter
LEXO PA REKLAMA!

SHKARKO APP

App Store
Google Play

E fundit!

x

Fitorja me Bylisin, Colella: Kemi ndryshuar, nuk flas më për titullin

13 Shkurt 2023, 15:12, Sport CNA

Partizani arriti të fitojë në transfertë kundër Bylisit me rezultatin 1-0. Një triumf që u rikthen qetësinë të kuqve që në këtë vit të ri nuk kishin mundur të tregonin potencialin e vërtetë të tyre.

Pas takimit ka folur trajneri Giovani Colella, i cili rrezikonte seriozisht shkarkimin në rast të një disfate. Ai analizoi shkurtimisht ndeshjen e Ballshit. Në prononcimin e zakonshëm për "Oversport", trajneri italian tha:

“E vetmja mënyrë ishte për të fituar ndeshjen. Asgjë tjetër nuk vlente. Jemi të kënaqur. E mirëpresim këtë fitore. Ishte e para për vitin 2023 dhe vazhdojmë përpara.

Vazhdimësia? Momentalisht do të mendojmë ndeshje për ndeshje. Kemi nevojë për pikë. Të rikuperojmë këto pikë dhe më pas të shohim se si do të jetë ecuria jonë.

Ndryshimi me dy fazat e para? Jam shumë dakord që skuadra ka ndryshuar. Janë larguar disa lojtarë. Ne duhet të gjejmë ekuilibra të tjera sepse kanë ikur futbollistë. Gjendja psikologjike ndikon. Rezultatet nuk po vinin. Ne duhet të ingranojmë dhe lojtarët e rinj që të kapin ritmin e ekipit. Është e vërtetë që loja e Partizanit ka ndryshuar në vitin 2023. Janë larguar dhe kanë ardhur lojtarë të rinj. Duhet të përmend edhe ndeshjen me Egnatian, ka qenë më e mira deri tani, edhe pse nuk fituam.

Të rinjtë? Ky është objektivi ynë në këtë sezon. Të afirmojmë lojtarë të rinj.

Performanca e Bilalit, Selmanit, Mba? Mendoj se kanë mbërritur lojtarë që janë shumë inteligjentë dhe kanë motivim për mirë këtu. I pari që jam këtu që duhet të nxehem, por duke parë se sot ishte ndeshja e parë e tyre, edhe mund të kenë bërë ndonjë gabim. Mendoj që nuk mund të bëjnë gjëra pozitive në pak minuta që aktivizohen.

Titulli kampion? Nuk më intereson asgjë dhe nuk do të flas më për fjalën titull. Do t’i marrim ndeshjet një nga një. Sot kaluam Bylisin. Na nevojiten pikë dhe me Erzenin. Në fund do të bëjmë llogaritë tona”, tha ai.





Lajmet e fundit nga