web counter
LEXO PA REKLAMA!

SHKARKO APP

App Store
Google Play

E fundit!

x

Sherr te PSG përpara ndeshjes me Bajernin

13 Shkurt 2023, 09:41, Sport CNA

Eliminimi në Kupën e Francës kundër Marsejës në mesjavë kishte qenë si një kambanë alarmi, e cila kumboi fuqishëm të shtunën kur PSG-ja u mund nga Monakoja në kampionat.

Dy herë Ben Jeder dhe goli i Golovinit i hoqën çdo vlerë atij të shënuar nga Emeri, i cili vetëm sa shkurtoi distancat. Një sfidë e mbyllur që në pjesën e parë, por që ka rritur tensionin te kampionët e Francës, të cilët nesër mbrëma do të presin në fushën e tyre Bajernin e Mynihut.

Siç raporton “L’Equipe”, do të kishte pasur diskutime të nxehta mes parisienëve në dhomat e zhveshjes të stadiumit “Luis II” pas nokautit kundër Monakosë. 

Drejtori Luis Kampos thuhet të ketë ngritur zërin me lojtarët duke i qortuar për përkushtim të pakët dhe pak prirje për presion.

Kundërpërgjigjja ka ardhur nga senatorë si Markinjos dhe Nejmar, të cilët kanë replikuar po aq ashpër, duke krijuar një atmosferë jo të mirë në skuadër, sidomos kur i ndajnë diçka më pak se 48 orë nga ndeshje e vlefshme për 1/8-at e Champions-it.

Në fakt, ajo në dhomat e zhveshjes ka qenë vetëm debati i radhës në radhët e kampionëve të Francës. Më herët në fushë janë pikasur të diskutojnë edhe Markinjos me Donarumën.

Kapiteni brazilian i PSG-së kishte “urdhëruar” portierin të mos përshëndetej me tifozët pas ndeshjes së humbur, ndërkohë që italiani nuk i është bindur.

Ai ka shkuar të tifozët, të cilët më herët kishin qortuar me kore qëndrimin e shëmtuar të ekipit të tyre të zemrës gjatë të gjithë harkut të 90 minutave kundër Monakos. Në këtë situatë, i vetmi qetësim mund të vijë me një fitore kundër Bajernit, por në këto kushte duket e vështirë.





Lajmet e fundit nga