web counter
LEXO PA REKLAMA!

SHKARKO APP

App Store
Google Play

Fitore me pasoja për Barcelona-n, Ter Stegen rrezikon sezonin pas dëmtimit “horror”

23 Shtator 2024, 10:07, Sport CNA
Fitore me pasoja për Barcelona-n, Ter Stegen rrezikon sezonin pas
Ter Stegen, Burimi: Goal.com

Barcelona mori një fitore të madhe në transfertën e Villarreal-it, me takimin e javës së gjashtë të La Liga-s që u mbyll me rezultatin 1-5.

Vendasit gjetën vetëm një herë rrugën drejt rrjetës me Perez në minutën e 38’, teksa miqtë nga ana tjetër gjetën rrugën drejt rrjetës me Lewandowski-n që shënoi dygolësh në minutat 20’ dhe 35’, Torre realizoi në minutën e 58’ dhe Raphinha po ashtu realizoi dopietë në minutat 74’ dhe 83’.

Megjithatë, ky triumf ishte me pasoja për skuadrën e Hansi Flick, që në minutën e 45+3’ u detyrua të zëvendësonte portierin Marc-Andre ter Stegen, i cili pësoi një dëmtim shumë të rëndë.

Ter Stegen u pa në dhimbje të madhe menjëherë pas incidentit dhe u desh ndihma e personelit mjekësor për ta larguar nga fusha. Ai ka lënduar zonën e gjurit dhe është transportuar në spital menjëherë pas përfundimit të pjesës së parë.

Këtë të hënë mediet spanjolle raportojnë se me shumë mundësi portieri gjerman do të humbasë të gjithë sezonin, pas dëmtimit të marrë.

Megjithatë të duhet të pritet 24 orë në mënyrë që të dalin përgjigjet e skata të testeve mjekësore, teksa te “blaugranat” po shpresojnë që portieri të ketë evituar më të keqen./CNA





Lajmet e fundit nga