web counter
LEXO PA REKLAMA!

SHKARKO APP

App Store
Google Play

Vllaznia nuk fal ndaj Bylisit, shkodranët “fluturojnë” në krye

22 Shtator 2024, 18:57, Sport CNA

Vllaznia nuk fal ndaj Bylisit, shkodranët “fluturojnë”

Vllaznia regjistroi fitoren e tretë radhazi në kampionat. Kuqeblutë triumfuan me rezultatin 2-0 ndaj Bylisit në stadiumin “Loro Boriçi”, në ndeshjen e vlefshme për javën e gjashtë në Superiore.

Sukses i rëndësishëm për Vllazninë dhe të besuarit e trajnerit Thomas Brdaric, që konfirmojnë momentin e mirë që po kalojnë.

Shkodranët ishin më kërkues nga fillimi dhe iu afruan golit që në minutën e 2-të. Një krosim nga e djathta u devijua nga Hasabelli, me topin që shkoi te Sala, por gjuajtja e sulmuesit, nuk kishte koordinatat e duhura, duke shkuar jashtë.

Ballshiotët reaguan në minutën e 19-të, me një mundësi të mirë, pas një rrëmuje në zonë, me Stojanoviç, që largoi rrezikun në momentin e fundit.

Në minutën e 33-të, Qato provoi me një gjuajtje në hyrje të zonës, pas një pasimi të marrë nga Balaj, por topi shkoi drejt portierit Hasanbelli, që e grushtoi larg portës.

Vllaznia fitoi penallti në minutën e 34-të, pas një rrëzimi të Delajt në zonë. Megjithatë, gjyqtari ndryshoi vendimin e tij, pasi rishikimit të rastit në VAR.

Pjesa e parë u mbyll me rrjeta të paprekura, ndërsa e dytë, nisi me gol. Në minutën e 47-të, ishte Stojanoviç, i cili gjuajti bukur me kokë pas një goditje këndi dhe e ndali topin në rrjetë, duke i dhënë avantazhin vendasve.

Në minutën e 58-të, Bylis kishte mundësinë e artë për të barazuar shifrat. Arbirti akordoi penallti për prekje të topit me dorë në zonë. Te 11 metërshi u shfaq Ruçi, i cili gaboi gjithçka, duke gjuajtur mbi traun e portës.

Për të rikthyer qetësinë te Vllaznia, mendoi Bekim Balaj, i cili pas një pasimi të shkëlqyer në zonë, mposhti portierin Hasanbelli, për të dyfishuar shifrat.

Rezultati nuk ndryshoi për minutat e mbetura, me shkodranët që morën një fitore të artë, e cila i ngjit ata në krye të renditjes me 13 pikë.

Në krahun tjetër, Bylis renditet në vendin e parafundit me vetëm 5 pikë të grumbulluara, në gjashtë javë kampionat.





Lajmet e fundit nga