web counter
LEXO PA REKLAMA!

SHKARKO APP

App Store
Google Play

E fundit!

x

Barazim dramatik nga City, Arsenali e pëson në fund

22 Shtator 2024, 19:52, Sport CNA

Barazim dramatik nga City, Arsenali e pëson në fund

Nuk prodhoi fitues supersfida e javës së pestë në Premier League, mes Manchester City-t dhe Arsenali-t, e cila u mbyll në barazim 2-2.

Ishte një ndeshje spektakolare dhe e luftuar deri në fund, me vendasit që shmangën humbjen vetëm në minutën e 98-të, ndërsa “topçinjtë” luajtën me 10 lojtarë për të gjithë pjesën e dytë.

Sfida nisi me emocione të mëdha që në fillim, kur Erlind Haland kaloi City-n në avantazh në minutën e 9-të, duke bërë që të shpërthejë festa në stadium. Sulmuesi norvegjez, i vetëm me portierin Raja nuk e kishte të vështirë për të shënuar.

Megjithatë, në minutën e 22-të, miqtë barazuan shifrat, falë një supergoli të shënuar nga Kalafiori. Mbrojtësi italian, lëshoi një predhë nga jashtë zone, duke mos i lënë asnjë mundësi reagimi portierit Ederson.  

Arsenali përmbysi rezultatin në 2-1 në minutën e 46-të, pas një goli të shënuar më kokë nga Gabriel. Braziliani fluturoi mbi të gjithë, për ta fituar duelin e ajërit dhe për të shënuar golin e avantazhit për londinezët.

Pak sekonda para mbylljes së pjesës së parë, skuadra e Artetës mbeti me 10 lojtarë, pasi Trossard, u ndëshkua me karton të kuq. Sulmuesi shkaktoi faull ndaj Bernardo Silvës dhe mori kartonin e dytë të verdhë, duke lënë ekipin e tij në inferioritet numerik.

Fraksioni i dytë i lojës, foli i gjithi për vendasit, që e kishin të vështirë për të thyer “murin” e Arsenalit.

City barazoi shifrat vetëm në minutën e 98-të, kur Stones, përfitoi nga një topi i mbetur në zonë, për ta dërguar në rrjetë. Zhgënjim i madh tek Arsenali, që panë t’iu ikte fitorja nga duart pak sekonda para vërshëllimës përfundimtare.

Pas këtij barazimi, Manchester City mban kryesimin me 13 pikë, ndërsa Arsenali renditet në vendin e katërt me 11 pikë.  

 

 

 

 

 





Lajmet e fundit nga