E fundit!

17:26 Politikë

Gara për Sekretarin e Përgjithshëm të PD-së/ Zbulohet emri që kandidon përballë Nokës

Partia Demokratike do të zhvillojë sot në orën 18:00 mbled...

Erzeni shtang Partizanin, pjesa e parë mbyllet me avantazhin e shijakasve

11 Shtator 2022, 18:35, Sport CNA

Është mbyllur pjesa e parë, në sfidën mes Partizanit dhe Erzenit, e vlefshme për javën e 4-4, në "Abissnet Superiore".

Pas 45 minutave të para në “Elbasan Arena”, shijakasit kryesojnë 0-1. Në minutën e 12-të, ishte Konato, i cili me një prekje të bukur, e ndali topin në fundin e rrjetës.

Pritet një pjesë e dytë e luftuar nga të dyja ekipet, me Partizanit që do të kërkojë me ngulm golin.

LIVE PARTIZANI-ERZENI 0-1
12′ Nonato

MINUTË PAS MINUTE

45’+1’ Mbyllet pjesa e parë me avantazhin e Erzenit.

45’ Jepet një minutë shtesë.

45’ Edhe Rrapaj provon nga e majta të gjejë golin, sfera nuk i afrohet portës së shijakasve.

42’ Da Silva provon të gjejë golin me gjuajtje nga jashtë zonës me të majtën, Xhika sheh me qetësi topin të përfundojë jashtë.

38’ Alan dhe Nonato tentojnë të nisin një kundërsulm të shpejtë por Karimanoviç dhe Ademi nga krahët nuk ia dalin që të gjejnë hapësira për të hyrë në zonën e të kuqve. Hadroj në fund largon rrezikun.

36’ Iniciativë personale e Carës i cili gjen hapësirë dhe gjuan nga jashtë zonës, por nuk çon në portë topin.

36’ Murataj nis një top në thellësi për Carën, Xhika i vëmendshëm del dhe kontrollon sferën para sulmuesit.

34’ Da Silva harkon një goditje këndi nga e majta e sulmit në kufijtë e zonës duke kërkuar një skemë, por braziliani gabon gjithçka dhe i jep mundësinë mbrojtjes të largojë me qetësi.

31’ Erzeni mundohet të përfitojë nga faullet për të ulur ritmin e ndeshjes, me Partizanin që ka kontrollin e lojës por nuk arrin të krijojë aksione të rëndësishme përtej harkimeve në qendër të zonës ku mbrojtja e miqve largon çdo rrezik.

23’ Dy harkime radhazi nga krahët e sulmit të Partizanit për Skukën, sulmuesi nuk arrin të gjuajë drejt portës dhe mbrojtja shijakase largon rrezikun.

18’ Partizani sulmon furishëm në këto minuta për të kërkuar një të çarë në mbrojtjen shijakase dhe barazuar shifrat.

12’ GOOOL ERZENI! Kryevepër e Nonato! Peposhi harkon në zonë nga e majta dhe aty braziliani devijon në mënyrë të shkëlqyer r duke mposhtur Rexhepin. 0-1 për Erzenin.

8’ Një tjetër goditje dënimi nga e djathta shkakton panik në zonë e Erzenit, me lojtarët e skuadrës shijakase që largojnë me vështirësi sferën.

6’ Telushi ekzekuton me skemë goditjen e dënimit për të nxjerrë në pozicion gjuajtje Da Silvën por ky i fundit ngatërrohet dhe nuk godet sferën.

5’ Peposhi ndëshkohet menjëherë me karton të verdhë pas një faulli ndaj Skukës.

2’ Rrapaj harkon nga e majta, topi devijohet me kokë nga Skuka por shënjestra nuk është e duhura dhe sfera përfundon jashtë.

1’ Nis dueli në “Elbasan Arena”.

FORMACIONET ZYRTARE:

Partizani: Rexhepi, Hadroj, Bitri, Sota,Atanaskovski,Rrapaj,Telushi,Murataj,Da Silva,Cara,Skuka

Erzeni:Xhika,Iljazi,Krasniqi,Sadiki,Peposhi,Alan,Mehmeti,Kahrimanovic,Ademi, Nonato,Kadriu